掃呢頁CODE去手機

2016年1月14日 星期四

偽毒吳業坤 連搞 12女 [壹週刊 - 1349] __,吳業坤,M1,

娛樂偵訊偽毒吳業坤 連搞12女今年25歲的吳業坤(坤哥),10年參加「超級巨聲」出道,近期忽然人氣急升,更被網民踢爆扮傻扮被動,偽毒溝女。表面傻傻戇戇的坤哥異性緣旺盛,曾經同無綫小咪神孫慧雪拍拖,前年又與女子組合SuperGirls隊長趙慧珊(Aka)暗撻半年,表面死因是男方無財無勢被拋棄,但原來當日是坤哥為了新歡,狠飛Aka。口花花看似慢熱又被動的坤哥,自稱拍過四次拖又自誇每段戀情都不是他主動, ...


娛樂偵訊

偽毒吳業坤 連搞 12女

今年 25歲的吳業坤(坤哥), 10年參加「超級巨聲」出道,近期忽然人氣急升,更被網民踢爆扮傻扮被動,偽毒溝女。

表面傻傻戇戇的坤哥異性緣旺盛,曾經同無綫小咪神孫慧雪拍拖,前年又與女子組合 Super Girls隊長趙慧珊( Aka)暗撻半年,表面死因是男方無財無勢被拋棄,但原來當日是坤哥為了新歡,狠飛 Aka。

口花花

看似慢熱又被動的坤哥,自稱拍過四次拖又自誇每段戀情都不是他主動,更不需要俾力。

「講到識女仔,我哋真係唔係坤哥對手!佢經常對啲女口花花,不過大家覺得佢傻吓傻吓,以為冇殺傷力,所以唔會抗拒!坤哥鍾意漁翁撒網,佢會主動喺 Instagram留言搭訕,積極抄人牌(攞電話號碼)。

「入行無耐想溝 Bella(林穎彤),但對方唔吼佢,之後去台灣拍《台灣闖蕩》,佢同 Hubert(胡鴻鈞)組團周圍識台妹,仲有同阿雪(孫慧雪)都有過一排,不過坤哥好醒目,唔會留手尾斷自己米路,所以每次拍拖都好低調!」坤哥身邊好友透露。

坤哥玩自閉,龔嘉欣惟有轉移目標,黐住張振朗(箭嘴)吹水。

唔使埋位,坤哥選擇行埋一邊玩電話。

本週日(一月十日),坤哥與緋聞女友龔嘉欣為《愛•回家》趕工,發現記者後,即捉埋 Owen(張振朗)三人行做掩護。

狠飛 Aka

前年,坤哥與女子組合 Super Girls隊長趙慧珊( Aka)亦曾暗交,但二人關係只維持半年便玩完;有指是女方嫌棄坤哥一事無成而提出分手,但分手真正原因其實是坤哥太博愛,二人拍拖期間仍四處溝女,甚至連 Aka的隊友都唔放過。

「嗰陣坤哥成日同 Super Girls撞 event(同場演出),佢好快已經抄晒五個女仔牌,仲成日 send message搵佢哋,鍾意宅男 type嘅 Aka之後搵坤哥私人教授結他,好快就撻着。嗰陣 Aka不知幾愛坤哥,成日親手畫畫 hand made小禮物俾佢,但有次發現坤哥有好多唔同女仔嘅曖昧 message, Aka就發大癲,初時佢都以為男友會氹番自己,點知坤哥借勢同佢講,話覺得自己未夠好分手,呢招順水推舟夠毒呀! Aka不知幾傷心,差啲有情緒病!」

有粉絲搵三人合照,坤哥亦刻意與龔嘉欣保持距離。

行街 shopping,貼心嘅阿雪仲幫坤哥度身。

食完早餐,坤哥陪阿雪到流動圖書館睇書。

戒嚴措施

去年坤哥簽約成為「星娛樂」旗下歌手,並橫掃今年《勁歌》、《新城》及《叱咤》的新人獎外,在《叱咤》更連奪「生力軍金獎」、「我最喜愛的男歌手」及「我最喜愛的歌曲」三大獎項,一夜爆紅。

事業得意,坤哥即時採取戒嚴措施,實行戒女保「毒」名。

本週日(一月十日),一早有《愛•回家》通告的他,要等到下午才與緋聞女友龔嘉欣同場,二人一見就黐埋有講有笑,但當坤哥發現記者在場後,立即全程捉埋好兄弟張振朗( Owen)做掩護。

晚上劇組到飛鵝山拍外景,龔嘉欣拎住暖包主動撩坤哥玩,不過毒男明顯有所避忌,等埋位期間,自己行埋一邊,低頭睇劇本玩手機,繼續「偽毒」!

本 13年曾拍得坤哥同無綫小咪神阿雪孫慧雪拍拖,瞓醒一覺後又晨早出現阿雪屋企樓下,陪食早餐。

Super Girls成員 Aka與坤哥曾發展地下情半年,拍拖期間,十次有九次,都係男方屋企過,甚少外出。

入行五年,坤哥今年橫掃新人獎,在《叱咤》更連奪三大獎項,人氣一時無兩。

雜食

人氣急升的坤哥在頒獎禮上爆喊後「眼鏡起霧」,令「毒男」形象深入民心,卻被網民隊爆他「偽毒」扮傻溝女, EQ高的坤哥借力打力,自嘲「偽毒可恥」;不過睇真啲,坤哥出招冧過嘅圈中女,真係十隻手指數唔晒喎!

《睡衣冧許靖韻》

鍾意 jam歌後放上網的坤哥,主動邀請曾合作過的許靖韻( Angela)幫手 jam歌拍片,同唱 Angela的《下個他》,又出動睡衣 look同教彈結他兩招,冧女唔使本。

《林穎彤冇反應》

12年,二人合作劇集《法網追擊》,坤哥對 Bella大獻殷勤,可惜對方請食檸檬,搞極都冇反應。

《鄧佩儀「見光死」》

坤哥去年與鄧佩儀、李佳芯及陳凱琳等合作主持《搵食飯團》,更被撞破孖住 2013年華姐冠軍鄧佩儀拍拖返電視城,惟戀情「見光死」,一見傳媒即分頭閃。

《易服男照啃》

許廷鏗的易服密友「阿小」也曾介紹不少音樂人給坤哥認識,橫掃多個樂壇頒獎禮後,有晚更半夜坤哥 po文感謝「背後的女人」,更在相片標籤「阿小」,連易服男都搞,飢不擇食!

《向吳若希示愛》

自爆對吳若希( Jinny)有意思的坤哥, 14年出冧功在 Jinny生日捐出 523元(吳若希生日日期)到慈善機構作為生日禮物,又將寫上「 Jinny BB,暗戀你很久,他朝有成就定必追求!」的個人 CD送給對方,不過女神就大爆坤哥大把女,自己要排到深圳灣!

《搞埋隊友 Heidi》

坤哥連女友 Aka的隊友都唔放過,在 Instagram post同 Super Girls成員 Heidi一齊整盆景合照,並註明「#純粹朋友、#真係朋友、#唔好誤會」,網民即時留言指他「此地無銀三百兩坤」。

《翠如 BB都 buy》

坤哥去年簽約成為「星娛樂」歌手,舉行簽約儀式當日,邀得兩年多前為他穿針引線的黃翠如到場,令人重提當年他想高攀翠如 BB。

《約譚淇淇食好西》

10年在網上發布自家創作 rap歌,加上在網上節目扮「趙海珠」人氣急升的譚淇淇( KiKi),曾在 Instagram上載與坤哥合照並留言:「他約我去食好西」,坤哥果然識食!

《爛 gag溝 Aka》

13年底,坤哥與 Super Girls隊長 Aka(趙慧珊)撻着,在此前,坤哥幾乎在 Aka每一個 post都有留言搭訕,又主動留言話教她彈結他,成功引對方關注; Aka亦曾 po出與坤哥的 WhatsApp對話,內容大多是搞爛 gag!

《陪孫慧雪歎早餐》

識食坤哥同無綫小咪神阿雪孫慧雪 13年拍拖到九龍灣 shopping晚飯直落斷正,隔唔夠十二小時,坤哥第二日晨早又去到阿雪嘉亨灣屋企樓下,陪對方去鯉景灣食早餐。當時阿雪亦學人唱歌,仲將作品放上網。

《撩黃心穎拍親密戲》

坤哥也曾公開表示喜歡黃心穎,想跟對方在劇集中發生感情線,女方對坤哥亦表現受落,主動留言:「你真係想同我拍親密戲?」坤哥即回覆:「現實與幻想!」

《親近周秀娜》

《巨聲》二幫出身的坤哥吳業坤,參賽期間自爆鍾意周秀娜,憑一句︰「多謝周秀娜!」成功營造娜姐粉絲身份; 13年,他就以娜姐粉絲身份參與節目《度身訂造旅行團》,與女神「戀戰沖繩」!

撰文、攝影、攝錄:娛樂組


鍾意就快D Share啦!