掃呢頁CODE去手機

2016年1月14日 星期四

好肉緊 何雁詩任韓男攬住 Un [壹週刊 - 1349] __,何雁詩,M1,

等的士期間,何雁詩同男友Wataru當街肉緊攬住un。娛樂偵訊好肉緊 何雁詩任韓男攬住Un「巨聲幫」出身的何雁詩(Stephanie)因為有個做生意人的富爸爸,年紀輕輕已經有過千萬磚頭揸手。做唔做都卅六的她,去年搭上比自己高一截的六呎韓男Wataru後,便鎖定對方為「白馬王子」。日前二人到圓方撐枱腳後,男友要返餐廳準備開鋪,但上的士前,Wataru突然肉緊用雙手攬實女友,當街un吓un吓,只見被u ...


等的士期間,何雁詩同男友 Wataru當街肉緊攬住 un。

娛樂偵訊

好肉緊 何雁詩任韓男攬住 Un

「巨聲幫」出身的何雁詩( Stephanie)因為有個做生意人的富爸爸,年紀輕輕已經有過千萬磚頭揸手。做唔做都卅六的她,去年搭上比自己高一截的六呎韓男 Wataru後,便鎖定對方為「白馬王子」。日前二人到圓方撐枱腳後,男友要返餐廳準備開鋪,但上的士前, Wataru突然肉緊用雙手攬實女友,當街 un吓 un吓,只見被 un的 Stephanie享受笑晒,毫不尷尬唔怕醜。

公司詐型

憑青春劇《四個女仔三個 Bar》冧死班高登巴打後,何雁詩事業有起色,愛情同樣有着落。去年同謝東閔甩拖的她,轉頭就搞掂六呎高韓男 Wataru,男友家住西九龍千萬豪宅,又有間高檔韓國餐廳打骰,除咗身高,其他都是絕配。

生得細粒唔緊要,何雁詩勤力搭夠。不時在男友餐廳打躉,「老闆娘」上身做埋樓面,幫手招呼客人,更經常 call齊班老友開「水煙派對」,坐旺男友個場。

「上次俾人影到食水煙,公司都有搵 Stephanie傾過偈,不過佢覺得自己唔係 sell乖女形象,冇必要掩飾,總之意見接受,態度照舊嗰隻。」何雁詩身邊人說。

住君臨天下的何雁詩一身街坊裝,同男友在寓所附近的圓方拍拖。

Un完二人再揸一揸手,十分痴纏。

男友開工,何雁詩去超市買了兩支酒,返歸等男友收工。

享受 un un

Wataru夜晚要睇住自己檔生意,拍拖活動,日間進行。日前,何雁詩陪家住西九的男友,到圓方的 Starbucks快食,二人兵分兩路, Wataru搵位,她負責買嘢食。

速食半粒鐘, Wataru要趕返餐廳準備,二人繑住行去的士站等車,但臨上車, Wataru突然攬實女友,跟住再用力 un了幾下,大庭廣眾下,何雁詩不覺尷尬之餘,仲一臉陶醉,享受到見牙唔見眼,鬼妹仔果然 open。

送走男友後,何雁詩去超市買了一支白酒一支紅酒,買完就行回君臨天下寓所。買定酒,等 Wataru收工,再歎過!

到 Starbucks快食,何雁詩主動去買嘢,完全冇公主病。

何雁詩繑實男友唔放手,連體嬰一樣。

只要冇工開,何雁詩幾乎日日到男友餐廳打躉,又時不時邀請班姊妹開「水煙派對」。

去年接拍劇集《四個女仔三個 Bar》,何雁詩(右二)憑住可愛形象,成功俘虜高登巴打。

撰文、攝影、攝錄:娛樂組


鍾意就快D Share啦!