掃呢頁CODE去手機

2016年1月14日 星期四

暗嘲袁嘉敏露點冇用 文凱玲:實力唔係用點數計! [壹週刊 - 1349] __,文凱玲,袁嘉敏,M1,

身材唔差的文凱玲,拍埋有Ecup的唐紫睿、林莉嫻和鍾采羲身邊,即時冇料到。探熱針暗嘲袁嘉敏露點冇用 文凱玲:實力唔係用點數計!去年在《鴨王》露點有功的袁嘉敏,衰麻煩失控,被飛出《鴨王2》;冇得留低的袁嘉敏接受訪問時,藐爆接棒拍《鴨王2》的女角,包括文凱玲身材差,唔夠cup數!「瘦咗啲囉!」袁嘉敏巴閉冇朋友,今次坐正的文凱玲引以為鑑,趁空檔約埋片中其餘三個女角唐紫睿、鍾采羲同林莉嫻去玩。對於被袁嘉敏 ...


身材唔差的文凱玲,拍埋有 E cup的唐紫睿、林莉嫻和鍾采羲身邊,即時冇料到。

探熱針

暗嘲袁嘉敏露點冇用 文凱玲:實力唔係用點數計!

去年在《鴨王》露點有功的袁嘉敏,衰麻煩失控,被飛出《鴨王 2》;冇得留低的袁嘉敏接受訪問時,藐爆接棒拍《鴨王 2》的女角,包括文凱玲身材差,唔夠 cup數!「瘦咗啲囉!」

袁嘉敏巴閉冇朋友,今次坐正的文凱玲引以為鑑,趁空檔約埋片中其餘三個女角唐紫睿、鍾采羲同林莉嫻去玩。對於被袁嘉敏彈身材唔夠勁,她不慍不火反擊:「實力唔係用點數計!」暗讚自己毋須露點,一樣擔正,贏晒!

失 job反撲

王晶用 36D袁嘉敏露兩點,令《鴨王》成功刀仔鋸大樹,錄得六百多萬票房。人紅巴閉,加上袁嘉敏試過同男主角何浩文( Dominic)以及何佩瑜( Jeana)等演員開過拖,宣傳又失踪無影,為免情況失控,去年九月落實開第二集時,決定飛起袁嘉敏,改由新晶女郎文凱玲( Connie)取代。

毫不知情的袁嘉敏得知女一位置,由 cup數同自己差一截的文凱玲取代,反撲說:「嗰幾個女仔太瘦削囉!我比較鍾意睇豐滿啲,銀幕上觀感係豐乳盛臀會好啲……」

文凱玲露背又露 pat同對手何浩文肉搏連場,加上意淫舔雪茄,電影要三級上畫。

袁嘉敏在《鴨王》露點演出,助攻票房收六百多萬。

意識大膽上三級

《鴨 2》四個女角中,唐紫睿、鍾采羲和林莉嫻都是坐 D到 E cup,唯獨文凱玲只有 C cup,袁嘉敏明顯是衝着女主角。「要論身材嘅話,大家個 style係唔一樣,我可能比較瘦,要有肉嘅位冇咁多肉……但實力唔係用點數計,呢啲留番俾觀眾去評論」《鴨 2》中的文凱玲雖然不似袁嘉敏要露點,但意識大膽,導演不想電影被剪到支離破碎,寧願三級上畫。

文凱玲手腳不協調,走過障礙物,一仆一碌。

唐紫睿與高度相若的林莉嫻鬥,輕鬆由頭帶到尾。

心口大負擔的鍾采羲同文凱玲比賽,竟要比對方靈活。

林莉嫻心口脹卜卜,分外有動感。

手腳唔協調

文凱玲同戲中三位女主角由合作對手變好友,早前更約埋去玩充氣競技遊戲,為近期密麻麻宣傳工作減壓。文凱玲雖然冇其他人「負擔大」,但平衡力卻是最差,手腳全不協調的她,跣低後打個筋斗再卡住,十分騎呢!

「睇落以為好容易,玩落先知幾難!但係好好玩,好 enjoy!」文凱玲說。

爭櫈仔,咪睇鍾采羲坐到正,其實最終勝利的是身手敏捷的唐紫睿。

林莉嫻被其中一個障礙物卡住,動彈不得。

硬食糞淋頭

同人唔同命,袁嘉敏無得翻生!但唐紫睿( Hazel)卻有得留低,做番上一集 YoYo姐角色。戲中 ending唐紫睿要被鍾采羲( Iris)照頭淋糞。

「我怕出嚟好核突,一度同晶哥要求改一改……後來諗咗兩日,如果我想做一個搞笑演員,就唔應該怕核突,與其個鏡頭俾咗個臨時演員做,不如自己做埋。」唐紫睿說。

被鍾采羲一股擊退,跌落防撞圍欄的文凱玲,失控傻笑。

充氣墊易失平衡,四個玩到四腳朝天,扭作一團。

唐紫睿有運動底,玩充氣競技賽毫無難度。

輸在心口大

身材高大的唐紫睿,有運動底又參加過 now的 MMA女子格鬥騷,落場玩競技遊戲,她由頭帶到尾,大獲全勝。

至於鍾采羲和林莉嫻( Leslie),同樣受到心口負磅重的影響,全程陪跑。

Encore有得拍《鴨 2》的唐紫睿,一度拒拍被淋糞鏡頭。

唐紫睿 Hazel

年齡: 28歲

身高: 176cm

三圍: 34D、 25、 35

演出經驗:拍過《賭城風雲》、《竊聽風雲 3》、《爆 3俏嬌娃》、《黑色喜劇》等電影,曾代言安怡關鍵奶粉、美樂纖體丸、 Ferodo Motor Oil車油等廣告。

入行經過:入行前任職髮型師, 11年成為全職 model,有「翻版陳法拉」之稱,其後被王晶睇中,簽約成為「星王朝影視製作」旗下藝人。

林莉嫻 Leslie

年齡: 24歲

三圍: 33D、 24、 36

身高: 176cm

演出經驗:《賭城風雲 3》、《鴨王 2》(未上映)

入行經過: 16歲 model出身,有「高版陳凱琳」之稱,擁有 43吋長腿,在一次泳裝 show被王晶發掘。

文凱玲 Connie

年齡: 33歲

身高: 168cm

三圍: 34C、 23、 34

演出經驗:拍過電影《喜愛夜蒲 2》、《我愛香港 2013》、《溝女不離三兄弟》、《賭城風雲 2》等

入行經過:入行前任職空姐, 10年參加香港小姐,近年簽約王晶成為旗下藝人。

鍾采羲 Iris

年齡: 28歲

三圍: 32E、 25、 35

身高: 168cm

演出經驗:出過三本寫真集,亦拍過《爛滾夫鬥爛滾妻》、《唐伯虎衝上雲霄》等電影。

入行經過:曾是 Sanrio設計師,由英國回流香港後做模特兒,由於上圍豐滿,被稱「 E cup超蓮」。

撰文:娛樂組

攝影:黃志明

攝錄:羅錦波、胡春輝

場地提供:香港室內沙灘


鍾意就快D Share啦!