2016年1月10日 星期日

90後觀塘工廈搞車場 唔求速度齋玩甩尾 __,

最近觀塘工廈開咗一間室內小型賽車場,專玩由美國入口嘅CrazyCart,呢架車唔係玩速度感,而係專玩飄移,即係好似《頭文字D》咁,專係過彎時甩尾。呢間場館開業初期長期爆滿,但自從有傳媒報導話佢哋唔乎合消防安全條例後,就被迫停業一個月,最近先至開返張。原來呢個車場由五位「九十後」後生仔夾份搞,創辦人之一嘅吳世宇(Predick)就大感無奈,佢話公司本身係專搞零售,提供場地係俾客人試玩架車:「我喺美國 ...




最近觀塘工廈開咗一間室內小型賽車場,專玩由美國入口嘅CrazyCart,呢架車唔係玩速度感,而係專玩飄移,即係好似《頭文字D》咁,專係過彎時甩尾。呢間場館開業初期長期爆滿,但自從有傳媒報導話佢哋唔乎合消防安全條例後,就被迫停業一個月,最近先至開返張。

原來呢個車場由五位「九十後」後生仔夾份搞,創辦人之一嘅吳世宇(Predick)就大感無奈,佢話公司本身係專搞零售,提供場地係俾客人試玩架車:「我喺美國拎咗香港嘅獨家代理權,諗住專賣架車賺錢,場地只係俾人試玩,點知搞到好多政府部門上嚟查吓,搞返好少少安全設施就繼續合法經營啦。」CrazyCart有分大車同細車,細車主要俾8歲以上嘅細路玩,售價係4880,大車就賣6880,如果上門試車就七十元十分鐘。

呢架車同好HIT嘅「風火輪」步行車一樣,唔可以喺香港嘅馬路同行人路等公眾地方度玩,只可以係私人地方玩。另一創辦人葉文俊(Alex)就話架車同一般小型賽車或者卡丁車唔同,係用嚟專玩飄移,好多汽車發燒友都鍾意買返部嚟過甩尾癮:「鍾意渣車嘅發燒友,每人買一部細車,然後放喺自己真車嘅車尾箱,去一啲偏遠嘅地方或者私人地方度玩」CrazyCart總共投資咗四十萬,因為佢哋都有開裝修工程公司,所以裝修自己一腳踢搞掂,慳返唔少錢。公開營業咗一個月,賣出咗三十架車,嚟緊佢哋目標係想打入中國市場同埋大企業客戶,遲啲仲想搬一個大啲嘅場地做埋賽車場。


鍾意就快D Share啦!