現年32歲嘅無綫前女主播周嘉儀，曾被指介入許方輝及陳佩琳婚姻，後被無綫「懲處」調離《六點半新聞報導》。周嘉儀去年四月決心離開無綫新聞部，轉職證券行市場拓展聯席董事。而周嘉儀對感情事向來低調，只曾透露拍過五次拖；早前被影到與家住西貢千萬獨立屋嘅有米筍盤Edward，喺中環撐枱腳，另又被指與「KY」先生sweetsweet短訊對話「洩蜜」，但佢一概否認。雖然周嘉儀facebook今日仍有更新報告天氣， ...
現年32歲嘅無綫前女主播周嘉儀，曾被指介入許方輝及陳佩琳婚姻，後被無綫「懲處」調離《六點半新聞報導》。周嘉儀去年四月決心離開無綫新聞部，轉職證券行市場拓展聯席董事。而周嘉儀對感情事向來低調，只曾透露拍過五次拖；早前被影到與家住西貢千萬獨立屋嘅有米筍盤Edward，喺中環撐枱腳，另又被指與「KY」先生sweet sweet短訊對話「洩蜜」，但佢一概否認。雖然周嘉儀facebook今日仍有更新報告天氣，並透露自己收到好多護膚品感興奮，但實情原來佢相約新歡去台北旅行，戀情有着落﹗今日讀者陳先生（化名）透過本報「爆相爆料」提供數張相片，指周嘉儀喺台北大安區，與一名年約三十歲男子，繑手拍拖行街。相中所見，男方戴上一副平實黑框眼鏡，驟眼睇有啲似「英帥版鄧英敏」，而化咗淡妝嘅周嘉儀，則穿上黑絲襯短褲，未知係咪同新歡玩得太開心，見佢有啲疲累。讀者陳先生（化名）表示，今午三點幾，見到周嘉儀繑實男方隻手，明顯係熱戀情侶，兩人仲係台北街頭玩自拍。雖然周嘉儀曾被指係一個專嗒有錢仔嘅貪錢女人，但讀者指兩人只選擇吃平價餐廳，佢話：「聽到佢哋有傾食乜嘢，話睇睇邊間平價餐廳。」一對小情人選擇格價相宜食店，而附近有一間出名嘅永康牛肉麵店，相信兩人入內光顧。《蘋果》致電周嘉儀，問到係咪有新戀情？佢透過短訊回覆：「是拍拖，多謝關心，其他沒有回應了。」由於新歡樣貌與KY頭像有啲似，被問係咪同一個人？佢再三否認﹕「早已澄清，KY不是男友啦。」嘉儀不肯透露新歡姓名及身份，表示希望保留一點私隱。問到有冇結婚及生小朋友打算？佢就話﹕「哈哈，剛開始不久，真的沒有回應了，謝謝關心。」
周嘉儀事後接受記者訪問時，直認拍緊拖，但拒透露新歡詳情。（讀者提供圖片） 
（讀者提供圖片） 
（周嘉儀fb圖片） 
（周嘉儀fb圖片） 