掃呢頁CODE去手機

2016年1月10日 星期日

反擊司馬燕老公 Summer激凸攬鬼佬 __,司馬燕,Summer,孫君子,

明明都就上車架喇,Summer係都要擰轉頭俾個bighug人哋,如果話你聽,佢唔係做俾Togi睇,你信唔信先?司馬燕個出軌老公Togi喺香港同新歡約會,舊愛兼小三Summer就自稱近日喺香港傾生意見朋友,係囉又會咁橋嘅?不過佢唔係講大話架,今日傍晚六點半,佢就去咗中環ifc三樓,同個外國朋友聚舊。坐咗一個鐘左右,Summer人有三急,喺側邊睇,除低大褸嘅佢,上圍真係非常澎湃,頭先真係禾稈冚珍珠。再 ...




明明都就上車架喇,Summer係都要擰轉頭俾個big hug人哋,如果話你聽,佢唔係做俾Togi睇,你信唔信先?

司馬燕個出軌老公Togi喺香港同新歡約會,舊愛兼小三Summer就自稱近日喺香港傾生意見朋友,係囉又會咁橋嘅?不過佢唔係講大話架,今日傍晚六點半,佢就去咗中環ifc三樓,同個外國朋友聚舊。

坐咗一個鐘左右,Summer人有三急,喺側邊睇,除低大褸嘅佢,上圍真係非常澎湃,頭先真係禾稈冚珍珠。再吹多一個鐘,佢哋就埋單閃人,朋友好有風度咁送Summer去搭的士。

一路雙手插袋、好瀟灑咁行嘅Summer,行行下愈行愈埋,好似「欲言又止」咁,去到開的士車門一刻,佢終於出手,攬攬個朋友喇!尋日Togi就摸住酒杯底攬女,今日就輪到Summer同鬼佬食飯兼抱抱,時間上真係……係囉又會咁橋嘅?

鍾意就快D Share啦!