掃呢頁CODE去手機

2016年1月26日 星期二

【淨係內地咪牌有得做】愛國溫為契爺返港 拒接受港紙媒訪問 __,

前粵語片演員杜平今日80歲大壽,噚晚喺香格里拉搞生日會,宴請親友,佢同太太現身會場招呼親友,擺咗約12圍。喺微博經常表現愛國心嘅溫兆倫,罕有咁返到香港賀契爺,佢單人照時都相當合作,不過傳媒想做訪問時,一埋嚟就問記者係邊間報館,一眾記者報上自己公司,佢就即話:「哦,咁我只可以同大家講聲,大家好。」然後絕塵而去,之後更只接受電視台及掛有內地咪牌嘅傳媒訪問。可能又驚俾傳媒問起佢愛國嘅問題,掀起紛爭啦。而 ...




其他影片:>>






前粵語片演員杜平今日80歲大壽,噚晚喺香格里拉搞生日會,宴請親友,佢同太太現身會場招呼親友,擺咗約12圍。喺微博經常表現愛國心嘅溫兆倫,罕有咁返到香港賀契爺,佢單人照時都相當合作,不過傳媒想做訪問時,一埋嚟就問記者係邊間報館,一眾記者報上自己公司,佢就即話:「哦,咁我只可以同大家講聲,大家好。」然後絕塵而去,之後更只接受電視台及掛有內地咪牌嘅傳媒訪問。可能又驚俾傳媒問起佢愛國嘅問題,掀起紛爭啦。而吳孟達達哥就話:「就過年,自己個灶要收起,準備休息,咁多年新年都唔喺香港過,今年會去大馬過,個女20歲,過澳洲讀大學,可能陪佢去。今日係老友叫到,一早12月已經約我啦,同阿媽食完團年飯就會離港。」今日見到好多老朋友係咪好開心?達哥話:「係,有啲我都唔認得,又後生,好似苗金鳳咁多年仲keep得好好。」記者話杜平都睇唔出80歲,達哥話最重要係「行多啲」,達哥話:「佢(杜平)每日都行2至3個鐘,百病不侵,行好緊要,我就做類似太極嘅,o依家身體都叫OK,睇緊中醫調理。」問佢會否支持星爺嘅《美人魚》?達哥好雀躍咁話:「一定會,會捧老友場,唔會拎贈券,會自己買飛。」


鍾意就快D Share啦!