| 受傷小孩右腳傷口明顯脫皮，並由救護車送往醫院急救。(「小心駕駛(討論別人駕駛態度)」fb專頁) | next 1/1 pre |
 | |
| 醫生提醒若有淥傷意外應及時為傷口沖凍水，不可亂信偏方用牙膏或豉油搽傷口。(「小心駕駛(討論別人駕駛態度)」fb專頁) | next 1/1 pre |
「真‧嚴寒」還要被暖水袋淥傷腳，手腳由「冰條」變似火燒，絕對是「真‧陰功」！有網民分享兒子因暖水袋爆開被滾水淥傷腳，需由救護車送急症室急救，希望藉個人慘痛經歷，提醒大家勿用暖水袋。不少網民看過腳面脫皮的恐怖圖片後，驚嘆「隔住個mon(電腦螢幕)睇都覺得痛！」有急症科專科醫生提醒，若有淥傷意外應及時為傷口沖凍水，亂信偏方用牙膏或豉油搽傷口會弄巧成拙。
「請大家以後唔好在(再)用暖水袋用左(咗)2年個暖水袋突然間爆左(咗)！我仔仔咁淥親腳」網民Kobe Andy於facebook專頁「小心駕駛(討論別人駕駛態度)」，上傳數張兒子淥傷後的送院圖片，可見淥傷的右腳腳面，傷口位置由腳趾公後延伸至腳眼位置，表皮已出現脫落，需要用保鮮紙包裹傷口保暖及防感染。不少網民形容「睇到都覺得好痛呀！」，並「送暖」問候，又建議大家不如用暖風機比熱水袋更安全。
急症科專科醫生馮顯達表示，過往急症室間中有接收暖水袋淥傷腳的個案，但近年已不多。按他經驗，若傷口出現脫皮兼起水泡已屬二級燒傷，需要送院治理。他教路，一旦出現淥傷意外應盡快拿走暖水袋，並用凍水不停沖傷口約15分鐘，然後使用清潔或已消毒的紗布或保鮮紙包裹傷口防感染，兼且可以穩定傷口的溫度。
過往曾有個案使用牙膏或豉油搽傷口，馮顯達強調做法「大錯特錯」，只會令傷口更痛。他又指，用暖水袋固然要格外小心，而年幼的小孩及長者，因自我照顧能力低、皮膚及皮下脂肪層較薄，更應避免使用暖水袋。
網民有話說
Kw Yeu NG：隔住個芒(電腦螢幕)都覺得痛，祝你仔仔早日康復！
Dicky Ma：痛在父母心.....小心處理傷口.....早日康復！
Tom Kwok：做人父母，寧願自己傷好過仔女傷，睇見心痛！
Billy Chiu：用暖風機吖嘛，希望小朋友盡快康復。
Jeffrey To：其實暖水袋不嬲都唔安全，諗都諗到啦，就算唔爆，你地唔驚入水位鬆左流番水出嚟咩??改用暖氈啦，都係200幾蚊...
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
