2016年1月25日 星期一

【爆相爆片】唔願同阿Yu離婚 周永恒攬巨胸新歡相曝光 __,周永恒,趙頌茹,阿Yu,

自嘲人渣嘅周永恒(Roy)早前背妻偷食,老婆趙頌茹(阿Yu)更爆二人分居後,周永恒唔肯簽紙離婚,仲喺facebook留言講自己嘅宗教信仰,婚姻係一生一世嘅事,希望呢件事有冷靜階段。點知講完唔夠一個禮拜,讀者陳先生透過《蘋果》爆相爆片報料,踢爆周永恒又有新歡,呢個女仔叫黃詠珊(Cherie)(另外在fb顯示為黃芊詠),更指佢喺網上疑涉錢債糾紛。讀者陳先生提供嘅相片所見,周永恒同Cherie攬埋一嚿黐 ...


自嘲人渣嘅周永恒(Roy)早前背妻偷食,老婆趙頌茹(阿Yu)更爆二人分居後,周永恒唔肯簽紙離婚,仲喺facebook留言講自己嘅宗教信仰,婚姻係一生一世嘅事,希望呢件事有冷靜階段。點知講完唔夠一個禮拜,讀者陳先生透過《蘋果》爆相爆片報料,踢爆周永恒又有新歡,呢個女仔叫黃詠珊(Cherie)(另外在fb顯示為黃芊詠),更指佢喺網上疑涉錢債糾紛。讀者陳先生提供嘅相片所見,周永恒同Cherie攬埋一嚿黐頭芒合照,真係好煙韌、好親密,陳先生接受訪問話:「Cherie之前學打碟,之後去咗第二間公司,搞咗隊o.m.G組合,成日話今年會出道,仲喺尖沙嘴嘅酒吧出騷跳舞,聽講o依家周永恒做咗佢經理人,佢仲同周永恒一齊住,Cherie喺fb貼咗見唔到周永恒樣嘅相,話呢個男人永遠喺佢背後。」陳先生仲話:「佢好鍾意出名,又特登黐埋劉馬車,喺fb tag名話喺劉馬車屋企打邊爐,又同錢國偉影相。」陳先生又爆Cherie疑變面,話佢以前塊面好肥。本報致電Cherie求證,但電話冇人接聽,最近同周永恒合作歌曲嘅rapper曲赤,被問到識唔識Cherie?曲赤接受電話訪問表示:「佢打碟㗎,我哋之前合作過演出。」問到周永恒係咪同Cherie拍拖同居?曲赤話:「又拍拖?係咪拍MV咋,我唔係好知佢哋係咪拍拖喎,因為我同佢傾緊合作出歌。」另外,阿Yu透露經理人回應《蘋果》:「阿Yu不會對周先生的私生活作任何回應,謝謝大家。」

周永恒同新歡Cherie。(讀者陳先生提供圖片) 有指佢做埋女方經理人。(讀者陳先生提供圖片) Cherie嘅生活照1。(讀者陳先生提供圖片)
Cherie嘅生活照2。(讀者陳先生提供圖片) Cherie嘅生活照3。(讀者陳先生提供圖片) Cherie嘅生活照4。(讀者陳先生提供圖片)
Cherie初時被指係面形圓圓… Cherie後尾又變成嗰隊o.m.G組合成員。(facebook截圖) Cherie同劉馬車合照…(讀者陳先生提供圖片)

鍾意就快D Share啦!
Related Posts Plugin for WordPress, Blogger...