2016年1月16日星期六

【毛記主播起底】借東方昇Body 盤菜瑩子示範一戴一露 __,

【短片】【毛記主播起底】借東方昇Body 盤菜瑩子示範一戴一露

2016-01-16 12:00:00 HKT

其他影片：>>

【毛記主播起底】借東方昇Body　盤菜瑩子示範一戴一露

無論是facebook抑或高登討論區，東方昇和盤菜瑩子無疑是毛記電視的風頭躉，尤以後者最多人討論，身份亦最為神秘。只是無論記者怎樣引渡，盤菜瑩子始終不欲公開真名、年齡和感情狀況，只道出現職Project Executive，加入毛記前在日本做過management trainee和日資公司的administrator。問到為何如此神秘，她說：「我覺得呢個角色係公司賦予畀我，我寧願多啲人認識我係盤菜瑩子。」問到可有擔心被高登人肉起底？她淡然的說：「哦，起囉。」

記者：王梓嫚、譚倩宜　攝影：吉吉、陳志嵐

東方昇真名王嘉偉，今年29歲，之前在天比高跟過俞琤，亦在商台做過創作，現時擔任Assistant Digital Manager。坊間以為他們在毛記工作，享有很大的創作空間和自由度，其實跟一般打工仔無異，甚至辛苦得多，東方昇說：「我八點半會返到嚟，就會捉住我傾今日做咩議題，做《六點半左右新聞》。之後寫稿，拉佢哋拍嘢，跟埋剪片，最尾睇埋條片先走得。」盤菜瑩子則說：「我瞓醒第一樣嘢就係打back after lunch thanks，之後就趕返嚟，要拍嘢就化妝，唔拍嘢就唔化妝，我平時就訂水啦、訂文具啦，我發覺我唔記得訂水！」

東方昇戴住血染的頭巾，是愛國象徵，問他現實中到底愛不愛國？他說：「愛架，但我唔係愛黨，我好鍾意返內地，我鄉下上海，以前返上海你見到啲人好純樸，但日子耐咗，上海啲人都變得好商業化，咁我又唔鍾意。」

比起愛國，東方昇其實更愛香港，原因無他，純因為是自己出世的地方。「反而我唔係好鍾意香港人，有陣時太過羊群心理，冇乜獨立思考。所以我做呢度，都想做啲嘢改變大家，令到無論地方定啲人，都係我鍾意。」盤菜瑩子同樣因為愛香港，令她決定由夢寐以求的日本飛返香港：「點解我覺得自己一定要返嚟，就係hktv唔發牌嗰陣，覺得隔住咁遠嚟支持好似冇乜用，索性返嚟啦。但返咗嚟一段時間，其實係絕望嘅，你發覺無論經歷咗幾多嘢，幾多過份嘅事情，香港人係好善忘。」香港人或許善忘，但應該不會忘記東方昇的「一戴一露」，有網民甚至跪求盤菜瑩子表演，豈料她說：「其實我已經準備咗。嗱你（東方昇）除，然後我唔除，咁樣咪一戴一露囉！」

毛記主播全體上下感情好好，各具特色。