掃呢頁CODE去手機

2016年1月16日 星期六

【韓流】子瑜「被道歉」 JYP股價一日勁跌5千萬 __,

【韓流】子瑜「被道歉」JYP股價一日勁跌5千萬2016-01-1613:55:00HKT韓國女團TWICE台灣成員周子瑜近日已成為全球嘅新聞人物,因為被黃安檢舉做「台獨分子」,令子瑜噚日要拍片認錯,不過此舉仍然冇法平息內地網民對子瑜及JYP嘅抵制,當中JYP受到各地網民嘅抨擊,話佢擺子瑜上台,令到一個16歲少女被牽涉入呢場國籍風波。而JYP一方面受到內地網民狙擊外,另一方面卻面臨股價下跌,根據韓國 ...


【韓流】子瑜「被道歉」 JYP股價一日勁跌5千萬

2016-01-16 13:55:00 HKT



韓國女團TWICE台灣成員周子瑜近日已成為全球嘅新聞人物,因為被黃安檢舉做「台獨分子」,令子瑜噚日要拍片認錯,不過此舉仍然冇法平息內地網民對子瑜及JYP嘅抵制,當中JYP受到各地網民嘅抨擊,話佢擺子瑜上台,令到一個16歲少女被牽涉入呢場國籍風波。

而JYP一方面受到內地網民狙擊外,另一方面卻面臨股價下跌,根據韓國科斯達克交易所嘅股價走勢,JYP嘅股價喺本周三、「黃安之亂」熱烘烘前,JYP嘅每股股價就有4,500韓圜(約28.8港元),不過從前日開始,JYP嘅股價一直下跌,唔知係唔係因為受子瑜事件受影響,到噚日一日,由一開市嘅每股4,390韓圜(約28港元),到收市時更跌到4,140韓圜(約26.5港元),一日內股價跌咗5.3%,市值蒸發咗約78億韓圜(約4,992萬港元)。

另外,子瑜道歉片,JYP亦喺YouTube公開片段,有網民就喺網上發起子瑜道歉片喺YouTube下架活動,仲發動網民要檢舉影片有「虐待兒童」之嫌,事關網民覺得子瑜得16歲,根本上就未成年,咁樣明顯係虐待兒童,亦有網民就覺得片段令到台灣人記得這天就係「國恥日」。



朴震榮嘅JYP噚日股價勁跌



有網民發起子瑜道歉片喺YouTube下架活動


鍾意就快D Share啦!