森美窗外落雹 Suki帶女試溫 群星變雪條
寒潮襲港，天文台昨午錄得市區氣溫3.1℃，是59年來最低溫度。面對寒冬，藝人如徐淑敏（Suki）和莊思敏等都寧願留在家中取暖，Suki只讓女兒在花園耍樂感受有幾凍。森美在元朗家見到窗外落雹，雖然表現興奮，但昨早他跟何佩瑜（Jeana）均要出外工作，凍到牙關打震。何超蓮昨更凍到生病，未知其緋聞男友霍啟山可會呵番？
香港昨日多區氣溫均只有4℃或以下，更出現落雹、結霜情況，不少藝人因為怕凍而留在家中取暖，但亦有不少藝人如森美和Jeana等仍要出外工作。家住大埔比華利山的徐淑敏，原來有輕微感冒，為免自己及3個女兒冷親，昨日寧願留在家中，就算女兒在花園耍樂，也要囡囡做足一切禦寒措施。
Suki昨說：「今日太凍，唔會帶小朋友出街，但我都想畀佢哋感受吓有幾凍，所以畀佢哋喺花園玩咗一陣。」
■Suki昨帶兩個女兒在家外花園感受寒流。
攝影：郭賢興
■森美昨要開工，並上載元朗家外落雹短片。
攝影：陳慧安
■DJ梁兆輝到大帽山睇霜，因太塞車而折返。
互聯網圖片
■黑妹（左二）和區瑞強（中）向獨居長者送暖。
■Jeana昨穿黑絲短打拍外景，大呻好凍。
■超蓮自爆凍病了，認真慘慘豬！
■莊思敏昨拍到窗外水滴結冰的奇景。互聯網圖片
梁兆輝大帽山睇霜
由於天氣太凍，幼稚園和小學今日均宣佈停課，Suki大女Vianna和二女Renee聞得不用返學均表現得開心興奮。已有四子女的徐子淇對今日不用上學深表關注，她昨在Ig留言：「因為太凍，明天不用上學。我不記得曾試過因為太凍而走堂！媽媽們和小孩們可以留在家中弄熱朱古力……」家住西貢的梁健平，昨日從寓所開車時首見結霜；而家住元朗的森美，昨早在Instagram上載短片並留言：「我元朗家落……雪」令網友信以為真。事後森美在電話中解釋說：「係落雹唔係落雪，我講落雪開心啲，都聽到撻撻撻聲，見到冰粒跌落嚟。開心嘅地方係唔使排隊塞車上大帽山睇結霜，直頭有落雹細細粒，希望唔好凍親人就OK。」昨早森美在中環出席維特健靈單車活動，凍到牙關打震，Jeana亦衣衫單薄在荔枝角為電影《導火新聞線》拍攝外景。Jeana說：「人人今日都匿埋屋企暖笠笠，我就企街凍冰冰，仲要拍足一日。」
不少人昨日上大帽山睇結冰和結霜，港台DJ梁兆輝昨日凌晨做完節目後，亦專程上大帽山睇結霜，他說：「塞咗成個鐘見唔對路，又大雨又急尿又冇廁所，我哋未上到最頂就放棄。」何韻詩就於facebook呼籲大家不要上山。
區瑞強向長者送暖黑妹李麗霞和區瑞強昨日選擇向上水獨居長者派發禮物包送暖，黑妹說：「啲老人家好開心，佢哋行動唔係好方便，所以我哋送暖行動。」另外，何超蓮昨在Ig上載照片說自己病倒，家住貝沙灣的莊思敏留在家中被竇避寒睇劇本。
採訪：比華利、皓騫
|
鍾意就快D Share啦！
|
|
|