網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月18日 星期四

戚其義過年陪正印 簡慕華硬食 [壹週刊 - 1354] __,簡慕華,M1,

2月11日年初四,瞓到中午頭髮蓬鬆的戚其義,偕正印女友在西貢𡁻包,大男人阿戚,過節識做交人。娛樂偵訊戚其義過年陪正印 簡慕華硬食齊人福,並非有錢人專利!前大台「金牌監製」戚其義,係最佳示範。同簡慕華暗交多年,同時又有個同居正印,保得住三角關係,全仗「識分輕重」四個字。大時大節如農曆年,阿戚完璧歸位,主力陪正印,西貢放狗食老麥享受家庭樂,做咗十幾年「二廠」的簡慕華,冇得爭!正印當老婆剛播完的《鐵馬戰 ...


2月 11日年初四,瞓到中午頭髮蓬鬆的戚其義,偕正印女友在西貢𡁻包,大男人阿戚,過節識做交人。

娛樂偵訊

戚其義過年陪正印 簡慕華硬食

齊人福,並非有錢人專利!前大台「金牌監製」戚其義,係最佳示範。同簡慕華暗交多年,同時又有個同居正印,保得住三角關係,全仗「識分輕重」四個字。大時大節如農曆年,阿戚完璧歸位,主力陪正印,西貢放狗食老麥享受家庭樂,做咗十幾年「二廠」的簡慕華,冇得爭!

正印當老婆

剛播完的《鐵馬戰車》中,簡慕華與黃德斌最終打破隔膜,重燃夫妻愛火。但現實中,簡慕華做唔成人妻,更加是個副選女友。與戚其義關係非比尋常,全公司都知二人是情侶,但礙於男方另有正印,簡慕華只能坐歪。

今個新年幾日假加埋情人節,戚其義日日交人,陪住前 model女友。二月十一日大年初四,眼紅紅似未瞓醒的阿戚,拖住愛犬與正印到西貢墟搵位食麥記。一齊已近廿年,感覺老夫老妻,二人話題亦離不開狗狗。

「阿戚分得好清楚,佢雖然主張不婚,但屋企嗰個當係老婆,過時過節,一定交人!其實阿戚都好大男人,除咗同工作有關嘅,其他乜都唔理,例如屋企交乜費物費、找卡數、甚至乎報稅,全部交晒俾『老婆』搞,最重點係個女人從來唔過問佢出面嘅事,亦唔會出現阿戚朋友圈活動,甘心做背後女人,唔係個個都得,所以阿戚好重視佢。」知情人說。

藝術家脾性的阿戚,冇結婚打算,正印冇催婚之餘,仲係「陪男友捱老麥」的女人。

簡慕華(左一)身為阿戚「二廠」,知道遊戲規則,好彩識落一班好姊妹,輪流陪住。

冇機會入宮

每逢大時大節都要孤獨過的「二廠」簡慕華,與阿戚地下情超過十年,亦早已習慣和懂得如何面對。

「其實 Rachel(簡慕華)唔係冇人追㗎!只係佢唔考慮其他人,可能唔甘心啦,放咗咁多時間同感情,的確好難放低。不過佢算好睇得開,從來都冇逼阿戚做決定,叫佢二揀一。平時阿戚同德斌佢哋出去玩, Rachel都會有份,兩個女人,一個內一個外,幾爽呀!」知情人說。

阿戚曾被本刊拍得,日頭陪同居正印(右圖),夜晚則約簡慕華睇戲,分身有術。

簡慕華與黃德斌呢 pair熒幕夫妻檔,在電視劇裡好 sweet,但現實中簡慕華卻未為人妻。

女人唔嫌多

男人身痕,女人永遠唔嫌多!人人想做賭王何鴻燊,有錢有四頭家,後起嘅洗米華同鄧兆尊亦唔失禮。

何鴻燊

幾頭家,賭王大時大節逐房交人,忙過返工。不過近年賭王住養和多過瞓屋企,再冇報到呢回事。

洗米華

有樣有水的洗米華絕對是賭王忠粉,貪戀 Mandy Lieu,又要為氹洗米嫂 Heidi𢱑爆頭,不過做齊人大計失敗,兩個月前, Heidi公開承認搞離婚,睬佢都傻。

鄧兆尊

講明唔結婚唔生小朋友的鄧兆尊,有個同居多年的正印女友 Carmen(右一),之後又撬埋安德尊助手兼女友車厘子(左二),三人行多年。近日祥嫂再爆他有個揼骨妹女友,瘦瘦削削的兆尊好擦得。

撰文、攝影、攝錄:娛樂組


鍾意就快D Share啦!