歌星出身的六嬸，與六叔邵逸夫爵士志趣相投，興建電影院式酒店乃二人願望。
探熱針
14億地皮起酒店 六嬸趕工紀念六叔 110歲冥壽
11年六嬸方逸華與「殼王」陳國強等合資 7.2億投得西貢沙下地皮，打算興建電影院式三層度假村，預計總投資約 14億元。塊地「吉」咗四年多，近日終於動工；據知，六嬸有意趕工起酒店，以作為六叔 17年 11月 19日， 110歲冥壽的紀念大禮。
酒店三層變六層
無綫一一年一月賣盤予陳國強為首的財團後，六嬸方逸華只留任做非執行董事，但她與殼王關係密切，雙方私下有不少合作項目。同年十月，地政總署公布六嬸與殼王等持有的智豪有限公司，中標投得西貢酒店地皮，當時六嬸曾透露此幅地乃「私人性質投資」：「項目同 TVB無關嘅，嚟緊同 Charles（陳國強）仲有其他合作計劃。」
殼王亦稱一切交六嬸揸 fit：「我只係打工，發展詳請由方小姐定奪，她是大股東。」但這幅酒店地皮，直至六叔邵逸夫爵士一四年一月離世，仍未動工。
「因為咁大幅地有好多嘢要申請，本身個地盤面積只有 19.31萬平方呎，可以起三幢三層高酒店，但方小姐一向精打細算，佢向城規會申請，提議放寬地積比率同上蓋面積，起夠三幢六層高酒店，其中三層係地庫。但唔係話申請加就加，城規會已經否決過一次。但方小姐冇放棄，又做咗好多 project證明係 work嘅，最終俾佢成功揮到，前年七月正式批咗。」
六叔冥壽大搞
幅地原封不動超過四年，記者發現它近日忽然動土趕工。據知，六嬸打算在明年十一月十九日，六叔一百一十歲冥壽前完工，作為對六叔一個紀念。
「六叔生前同方小姐都好鍾意睇戲，電影亦係佢哋相處最熱門嘅話題，投呢塊地其實係六叔意思，亦有俾意見要點起點起，六叔希望間酒店會有間好大規模嘅私人立體影院，音響要最高階，仲要有酒招呼朋友。殼王就佔細份，電影嘅嘢佢唔在行，話自己當學吓嘢！方小姐已經嗌晒咪，希望趕得切慶祝六叔出年百一歲冥壽；佢老人家生前最鍾意熱鬧，到時開張搞個大 party。」知情人說。
西貢女地王
六嬸方逸華是磚頭愛好者，手持物業包括西貢亞公灣獨立屋、中半山帝景園及大潭紅山半島等單位，市值已逾四億。近年退下火線唔再掌管無綫後，更進擊入市，除了染指太古城、九龍塘廣播道地段，主攻是西貢。
撰文、攝影、攝錄：娛樂組
|
鍾意就快D Share啦！
|
|
|