網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月11日 星期四

施馬 Sir袁偉豪做暖男 [壹週刊 - 1353] __,袁偉豪,M1,

每次上車,袁偉豪都會幫女友岑杏賢戴頭盔,拉起領口提佢保暖。探熱針施馬Sir袁偉豪做暖男在無綫等了八年的07年港男冠軍袁偉豪,最近憑《鐵馬戰車》的生鬼「施馬Sir」轉運!事業有起色,和拍拖兩年的「碩士女友」岑杏賢感情亦穩定,袁偉豪為對方學做煮飯公,日前又揸住戰車,載女友去食糖水,體貼做暖男。十度去兜風多女埋身的袁偉豪,自從與「碩士港姐」岑杏賢拍拖後修心養性,甚至甘願被對方改造成住家男。早前為《鐵馬》 ...


每次上車,袁偉豪都會幫女友岑杏賢戴頭盔,拉起領口提佢保暖。

探熱針

施馬 Sir袁偉豪做暖男

在無綫等了八年的 07年港男冠軍袁偉豪,最近憑《鐵馬戰車》的生鬼「施馬 Sir」轉運!事業有起色,和拍拖兩年的「碩士女友」岑杏賢感情亦穩定,袁偉豪為對方學做煮飯公,日前又揸住戰車,載女友去食糖水,體貼做暖男。

十度去兜風

多女埋身的袁偉豪,自從與「碩士港姐」岑杏賢拍拖後修心養性,甚至甘願被對方改造成住家男。早前為《鐵馬》做宣傳時,被問到與出名「發電機」的蔡思貝開工是否有過電,袁偉豪立即公開向女友派定心丸:「我都係發電機,不過只係 hold住電力留俾女友。」

女友有樣好身材又高學歷,袁偉豪自然要出盡法寶拑實。

戲裡戲外都鍾意揸鐵馬的袁偉豪,上週三(二月三日)晚十點,出動新戰車載女友離開將軍澳寓所,出外兜風。夜晚氣溫只得十度,兩人一身禦寒戰衣,加上女友岑杏賢攬到實做人肉暖包,坐前座食正風的施馬 sir一樣暖笠笠。

不過,有女友做座上客,袁偉豪未敢風馳電掣,全程六十公里安全駕駛。

去到西貢食糖水,袁偉豪幫女友攞頭盔、除手套,又檢視外套有否未拉好入風,見女友塊面有污糟,又動手清理,體貼到呢!兩人坐低只點了一份甜品,主力岑杏賢食,好明顯,施馬 sir是專登出車,載女友去食甜品消夜。

岑杏賢擁有諮商及輔導文學碩士學位,據悉她仍不停進修,更獲大機構邀請開講座。

細心戴頭盔

幫女友保暖

為佢潔面

輕扶過馬路

新車

當晚出動的紅色戰車落地只有兩個月,約值十三萬。之前都係揸同一款,只係唔同顏色。

舊車

細心贏富二代

男友條件唔夠自己好,但細心攞滿分,岑杏賢更加同閨密晒幸福,話自己搵啱對象。

「阿 Ben(袁偉豪)雖然有啲大男人,但對女友真係照顧得好好。佢哋搬入將軍澳同居,成屋傢俬電器, Jennifer(岑杏賢)話阿 Ben問完佢意見就自己一手搞掂晒, Jennifer乜都唔使理;阿 Ben知道女友鍾意食甜品,又專登買書研究自學,只要唔使開工,就買餸煮飯,仲整埋甜品, Jennifer做女王咁等食。其實 Jennifer有好多人追,仲有啲係富二代,但阿 Ben賣細心已經夠贏。」岑杏賢身邊人說。

有爆肌的外殼,又有廚藝,現實中的「施馬 Sir」,真係入得廚房出得廳堂。

戲裡戲外都鍾意揸鐵馬的袁偉豪,不時約埋車腳謝天華、方力申及吳家樂等鍊番轉。

捱咗八年的袁偉豪,近日在《鐵馬戰車》的「施馬 Sir」演得生鬼,被網友熱捧。

去年中秋,袁偉豪在網上放閃愛的宣言,冧爆女友。

港台暖男

韓風颳起,細心溫柔靚仔是韓劇男主角的標籤,「暖男」更成為時下潮語,除了韓國,港、台兩地亦不乏暖男代表。

謝霆鋒

自拍了《十二道鋒味》,被網友封為「暖男帥鍋」。今年一月,霆鋒飛韓國與吳奇隆合作韓版《步步驚心》被媒體追訪,當時霆鋒見有個女記者差點被車撞到,即一手將她拉回安全位置,一幕英雄救美被當地傳媒大做文章,封他為暖男。

陳柏霖

在劇集《我可能不會愛你》中飾演溫柔體貼的「大仁哥」,令陳柏霖成為女粉絲眼中的深情暖男,連與他合作《壞蛋必須死》的韓星對手孫藝珍,都大讚他是個溫暖的男人。

周柏豪

去年七月,周柏豪成為香港首位代言女性衞生巾代言人,堂堂大男人為女人 M巾賣廣告,柏豪聲言唔介意為身邊女性買 M巾,即時升呢做暖男。

撰文、攝影、攝錄:娛樂組


鍾意就快D Share啦!