| 呢單陳年恩怨，真係好Juicy！ | next 1/1 pre |
 | |
| 張國榮當年嘅片酬，竟然低周星馳505萬，真係好令人意外。 | next 1/1 pre |
 | |
| 更厲害嘅係，張國榮雖然知周星馳片酬高自己一大截，但佢冇同好友兼導演高志森詐型。 | next 1/1 pre |
 | |
| 直到煞科宴周星馳掛住食鮑魚遲埋位，張國榮先爆seed寸對方，果然厲害。 | next 1/1 pre |
 | |
| 張國榮VS周星馳呢啲經典高手過招場面，真係令人懷念。 | next 1/1 pre |
 | |
| 張國榮向來係講義氣嘅人，所以高志森一游說佢復出，佢就二話不說答應。 | next 1/1 pre |
 | |
| 仲為咗畀面高志森，自動減五萬片酬。 | next 1/1 pre |
 | |
| 另外，原來張曼玉呢個經典造型，都係要靠張國榮幫口，Maggie先肯着戲服。 | next 1/1 pre |
 | |
| 《家有囍事》啲經典場面，真係十隻手指數唔晒。 | next 1/1 pre |
 | |
| 巴黎鐵塔反轉再反轉。 | next 1/1 pre |
 | |
| 張國榮同毛舜筠嘅演出，至今讓人津津樂道。 | next 1/1 pre |
導演高志森執導《家有囍事》已事隔24年，不過他指對於拍攝情景仍歷歷在目。他大爆當年用300萬利誘張國榮（哥哥）「復出」，哥哥更大方表示只袋295萬。高志森坦言事後「一步一驚心」，皆因怕被哥哥知道周星馳片酬800萬，豈料在煞科當日，因周星馳顧住食鮑魚，哥哥竟爆出一句：「個800萬仲未埋位呀！」高志森才知道原來一早「穿煲」。
張國榮當年宣布退出娛樂圈移居加拿大，卻經不起高志森導演遊說，出山接拍《家》片，當年創下近5千萬票房。該片近日推出復刻版，於猴年賀歲片檔「分一杯羹」。有消息指當年哥哥片酬低於周星馳一半，高導接受電話訪問坦承：「原本係黃百鳴、林子祥拍哥哥，但林子祥因家事辭演，最終黃百鳴用咗800萬請周星馳接棒，佢就同我講要用300萬以下游說哥哥。哥哥答應之餘仲大方同我講收295萬，淨番嘅5萬係畀面你嘅。當我知道兩位巨星片酬相差咁遠，都驚畀哥哥詐型，開工擔心有說話聽，但一直都冇喎，直至煞科嗰日，周星馳掛住食鮑魚未埋位，哥哥先講咗一句：『個800萬仲未埋位呀！』」
警察傍實剪片
當年因配合韓國市場需要，哥哥拍了一幕揸槍戲卻從未在港曝光，復刻版內終「得見天日」，高導謂：「我都係幾日之前先第一次睇呢場戲，當年係動作導演操刀拍嘅，我就因為發生轟動一時嘅『搶菲林事件』，由3名警察陪同下日以繼夜咁剪片，嗰3位仁兄算《家》片第一批觀眾，佢哋邊睇邊笑到哈哈聲。」高導又大讚哥哥的演出絕對不止295萬：「嗰日入戲院睇復刻版，哥哥同毛舜筠嘅化學作用令觀眾笑到停唔到，反應比當年更甚。」
氹掂曼玉上彈
至於黃百鳴，亦大讚哥哥當年是劇組的靈魂人物：「記得張曼玉有個愛美神導彈造型，去到現場佢竟然唔肯着戲服，大家煩緊嘅時候，哥哥同我講：『等我搞掂佢啦』，終於擺平咗件事。哥哥份人真係冇得彈，大方又親切。」
|
鍾意就快D Share啦！
|
|
|
