發哥勸放棄爭影帝 華仔唔肯讓學友：我都未攞
今個農曆新年在西片讓路下，變成三部華語片周星馳的《美人魚》、郭富城的《西遊記之孫悟空三打白骨精》和王晶拍了N次的賭片大對決。前晚王晶新戲在灣仔舉行首映禮，周潤發、劉德華、張學友、劉嘉玲、張家輝等先後現身會場，吸引半百傳媒採訪。
■華仔（左）和發哥在台上互相整蠱，大放笑蛋。
嘉玲被笑冇乜着衫當晚五位主角輪流在台上搞gag製造氣氛，當司儀問劉嘉玲要在發哥和學友中揀選一個做對象，嘉玲即表示二人無論戲外戲內都是好男人，很難選擇，此時張家輝即插科打諢說：「咁你又點睇我？」嘉玲笑言：「你係新演員嚟喎，唔係好識你！」嘉玲又說戲中男演員着靚衫多過自己，學友就話：「因為嘉玲喺戲入面係冇乜着衫！」
■穿上價值47,000元Marc Jacobs最新春裝裙的劉嘉玲，貴氣十足。
■鍾采曦（圖）和莊思敏冒寒搏到盡拋胸上陣。
莊思敏
最後輪到發哥和華仔發功，發哥指今次有三個影帝合作，因為華仔、學友和家輝均有份入圍今年金像獎爭最佳男主角，發哥笑指華仔和家輝要讓路給學友，事關學友未奪過金像影帝，華仔即愕然地說：「我都未攞，點讓呀！」
對於近日有網友杯葛罷看王晶新戲，王晶就霸氣哥上身，指香港只是內地票房的25分之1。王晶言論沒放香港票房在眼內，但當記者問學友會否擔心因為王晶言論而影響票房時，學友卻一臉認真地說：「晶哥同呢部戲係冇關係㗎，你哋同我講番出去啦。」身旁的發哥亦幫手解畫說：「係呀，佢（王晶）喺片場淨係瞓覺，不過佢瞓醒就知拍到邊。」
採訪：卓寶花、張俊銘
攝影：陳俊強
■經常被指是「孖生兄弟」的學友和家輝，預祝電影有20億票房。
來源 source: http://hkm.appledaily.com
|
鍾意就快D Share啦！
|
|
|
