今期六合彩金多寶有一億獎金，雖然馬會話：「運氣話嚟就嚟」不過為增加大家中獎機會，《蘋果》就綜合咗玄學家麥玲玲、六合彩之子蔡國威同中獎中到出晒名嘅梁思浩意見，組成六合彩最強package，以供眾蘋民參考！財神位日日唔同，玲玲幫眾蘋民算咗2月29號同3月1號當日嘅大利位置、時晨同當旺生肖。29號大利方位係東面，大家起身向東面行，或者去東面投注站。港島區東面嘅有柴灣、杏花邨，而九龍東面就有官塘、將軍澳。 ...
今期六合彩金多寶有一億獎金，雖然馬會話：「運氣話嚟就嚟」不過為增加大家中獎機會，《蘋果》就綜合咗玄學家麥玲玲、六合彩之子蔡國威同中獎中到出晒名嘅梁思浩意見，組成六合彩最強package，以供眾蘋民參考！財神位日日唔同，玲玲幫眾蘋民算咗2月29號同3月1號當日嘅大利位置、時晨同當旺生肖。29號大利方位係東面，大家起身向東面行，或者去東面投注站。港島區東面嘅有柴灣、杏花邨，而九龍東面就有官塘、將軍澳。至於當日最靚時晨就係朝早9點到下午3點，玲玲話：「當日比較當旺顏色係綠色同間條，至於當日合屬猴、牛、雞嘅生肖，適合買熱門號碼，而相沖嘅豬就可以買冷門號碼。」3月1日財位就會移至南面，大家可以考慮著住當旺嘅藍色或波浪紋嘅服飾，去南面如薄扶林、紅磡投注站。「至於時辰方面係巳時同未時，即係9點到11點同埋下午1點到3點。」玲玲仲話屬羊、狗同老虎都係合3月1日，可以買熱門號碼，至於相沖嘅老鼠就適宜買冷門號碼。中六合彩中都街知巷聞嘅梁思浩，就綜合八大堪虞學家嘅說法，今年正東面就最旺財：「大家喺屋企拎住個指南針，去正東位最近屋企嗰間投注站，應該都幾旺。同埋今年當旺顏色係藍同紫色。」至於中六合彩嘅竅門，思浩話入投注站前記得同個天講，自己中咗六合彩之後會做幾多善事，咁中頭獎機會就會大大增加。而曾經中過一次三獎同三次四獎嘅六合彩之子蔡國威，亦都俾咗啲貼士大家：「大家記住係去見財神，所以入投注站時記得要好歡天喜地、笑住咁去買，我自己就會著返旺自己嘅鮮色顏色。」威仔仲話主持六合彩咁耐，開大冧巴嘅機會係多好多，所以大家不妨考慮下。
講咗咁多貼士，當然唔及俾冧巴夠實際啦，以上三位嘅心水冧巴就係：13、16、23、38、48，仲有一個係咩？自己估下
威仔仲話主持六合彩咁耐，開大冧巴嘅機會係多好多。 
思浩話入投注站前記得同個天講，自己中咗六合彩之後會做幾多善事，咁中頭獎機會就會大大增加。