網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月24日 星期三

張繼聰爆肌任(目及) 同志嗌陪瞓! __,繼聰,張繼聰,

八舊腹肌新鮮出爐
張繼聰爆肌任(目及)同志嗌陪瞓!新一代爆肌男神張繼聰為新劇五分鐘裸露的脫戲,進行日以繼夜的地獄式操練,完全陷入忘我瘋癲的狀態,將自己推至一個極限,以汗水換來性感誘人的八舊迷人腹肌,阿聰開心與眾share其人體妙學keepfit心得,竟惹來同志大膽留言:「我要睡你。」八舊腹肌新鮮出爐本來瘦蜢蜢的張繼聰,年前為個人演唱會特意操到爆肌,自此他就操上癮,早前阿聰事先張揚為無綫新劇《幕後玩家》一場裸露脫戲, ...


張繼聰爆肌任(目及) 同志嗌陪瞓!

新一代爆肌男神張繼聰為新劇五分鐘裸露的脫戲,進行日以繼夜的地獄式操練,完全陷入忘我瘋癲的狀態,將自己推至一個極限,以汗水換來性感誘人的八舊迷人腹肌,阿聰開心與眾share其人體妙學keep fit心得,竟惹來同志大膽留言:「我要睡你。」

本來瘦蜢蜢的張繼聰,年前為個人演唱會特意操到爆肌,自此他就操上癮,早前阿聰事先張揚為無綫新劇《幕後玩家》一場裸露脫戲,要再次陷入地獄式操練及淡而無味的生活。在健身教練指導下,阿聰忘我癲瘋加操,日以繼夜揮灑汗水艱辛操練,終於換來亮麗誘人的body,阿聰即向粉絲派福利,在社交網開心share其迷人朱古力腹肌的苦練心得。

半夜收工照操

阿聰留言教路keep弗:「每日工作時間大約十二至十六個小時,但係我仍然堅持每星期六天運動(一天休息)。」阿聰基本上每天做兩小時運動,又負重訓練,又帶氧運動,即使半夜三更收工都照操,做六組腹同背的運動。據知阿聰在《幕》劇中一場騷肌戲,日前已完成拍攝,阿聰昨日在電話中說:「嗰場戲五分鐘度,講我赤裸上身喺屋企行嚟行去,嗰日拍咗成個鐘。」為了五分鐘戲阿聰就花上二十日進行地獄式操練,他直認拍攝時身形是最弗的時候:「我由158、9磅減到141磅,我脂肪得7、8%,塊面都好凹。(好專業!)我覺得嗰種態度、鬥志,我對自己要求都好高,如果達唔到係唔得。(滿意自己個body?)OK啦,盡咗力。」

張繼聰日前被拍得在住所附近練跑。
  • 張繼聰日前被拍得在住所附近練跑。
張繼聰於2010年時的體形仍有待改進。
  • 張繼聰於2010年時的體形仍有待改進。
張繼聰跑步遇見街坊即笑晒揮手。
  • 張繼聰跑步遇見街坊即笑晒揮手。

為求擁有滿意的身形,阿聰實行在運動同飲食兩方面雙管齊下,阿聰說:「我食咗十幾廿日烚菜同烚雞,每日都會自己帶備三餐開工拍攝,好多時最後一餐啲烚菜同雞都凍晒,但我都會照食,就算新年初一至三唔使開工,我都係照食嗰啲。」阿聰表示即使現在飲食回復正常,但他都以清淡為主,平日少食肥膩、甜的食物:「依家開工,晚餐都會早啲食,消夜有時都會食雞髀,但就唔食皮,有啲肥膩就拖一拖水。」

擁一身結實肌肉的張繼聰,承認做運動做上癮。(資料圖片)
  • 擁一身結實肌肉的張繼聰,承認做運動做上癮。(資料圖片)
張繼聰坦言老婆謝安琪亦有陪跑。
  • 張繼聰坦言老婆謝安琪亦有陪跑。

跑街親民揮手

阿聰承認做運動確會做到上癮,但他未去到軍訓咁癲,不會對自己太過苛刻,他說:「依家都會keep住做運動,如果凌晨四、五點收工,開翌日下午一點,咁我都會十點幾起身跑步。」日前下午阿聰就穿上運動裝單拖由大埔寓所出發,向三門仔跑步,大約跑了成粒鐘,沿途見他親民地與街坊笑晒揮手,問到太太謝安琪可有陪他一起運動?他說:「佢4月都要做演唱會,都有陪我跑吓步,但佢係女仔唔使好似我操到咁。」因他在網上大晒迷人body,有「基民」大膽留言:「我要睡你。」阿聰聽完笑說:「我結咗婚」

文:音樂組 

攝:追蹤組


鍾意就快D Share啦!