| 徐子淇出席一個咁簡單嘅活動，都要着對咁高嘅高踭鞋，證明要做靚太真係唔容易。 | next 1/1 pre |
 | |
| 徐子淇一講到細囝，就開心到痺，仲大爆老公呷個仔醋，好搞笑。 | next 1/1 pre |
 | |
| 佢話由於自己日攬夜攬細仔，所以搞到老公要問佢：「你幾時先得閒理我」，sweet到哩。 | next 1/1 pre |
 | |
| 子淇話其實佢可以再生，不過因為都有壓力，加上老爺李兆基又覺得夠晒數，所以唔會再生。 | next 1/1 pre |
 | |
| 呢個高踭鞋，真係觸目驚心。 | next 1/1 pre |
 | |
| 咁建熹又真係好cute嘅。 | next 1/1 pre |
「千億新抱」徐子淇出席活動時透露，農曆新年舉家到了夏威夷旅行數天，在沙灘與海豚暢泳。她笑言幼子李建熹（Preston）在飛機上熟睡，更一度令她要檢查幼子是否透緊氣，認真搞笑：「佢好好湊，喺飛機上大昏迷，我間中有用手指查吓佢仲係咪透緊氣，可能佢知表現好嘅話有得再去，同埋可能佢細，唔係好怕喺密封嘅地方。」
呻家姐哥哥冇幫手湊細囝
問家姐及哥哥可有幫忙照顧弟弟？她笑言本期望他們多幫忙，但結果他們是跟弟弟玩一會，就弄哭他，然後還要走開，她續說：「諗住大家姐會幫多啲，我媽咪話以前嘅小朋友8歲就識湊弟妹。不過依家唔同，8歲識照顧自己已經好好。佢哋都錫細佬，不過湊就主要係我。（辛苦？）少少，不過感覺唔同。生第一個嗰陣我二十幾歲，生活仲好多姿多采，個心未定。依家三十幾歲，佢真係溶咗你個心，唔想出街，淨係想攬住佢。加上依家其他小朋友又入晒學，我有多啲時間陪BB。（孻仔拉心肝？）真係，親戚同老公都怕我會縱壞佢，死火，不過真係好愛。可能BB乖，一瞓醒就笑。」問到老公李家誠會否呷醋？她即冧爆笑言：「有呀，我有次同老公一齊，我抱住BB，佢問我：『到我未？』咁我就畀BB佢啦，點知佢話：『唔係呀，係你理我未？』。」她又表示自己很喜歡聞BB身上的奶味，但現已感到漸漸消失，坦言不想BB長大，最好時間永遠停留在這刻。
爆醫生話佢仲生得
問她會否再生B？她坦言生B不困難，但教育他們要花很多心機及時間，她說：「我今次開完刀之後，醫生同我講我仲生得，我問醫生開刀唔係最多四次，點解仲得？佢話仲生唔生得係睇個傷口，我個傷口好好彩冇黏連，唔關開幾多刀事。我話唔好啦，唔使啦，其實仲可以生，不過太辛苦，又要花心機教，又擔心佢哋會有嘢唔同我講，要花好多時間同佢哋傾偈。（老爺有冇叫你再生？）佢話夠，佢好滿足有咁多小朋友同佢玩。」
笑李晞兒怕醜
她坦言復活節亦打算帶小朋友外遊，自言並非怪獸家長，但亦有感小朋友平日應付功課及課外活動忙得不可開交。她透露大女李晞彤及二女李晞兒都喜歡做話劇，並笑言：「佢哋做話劇要試鏡，妹妹好緊張，我叫佢唔使緊張，大聲啲講對白就得。點知佢話想遮住晒企喺後面，唔想表演。其實係因為佢有幾個同學去玩，所以佢想喺後面行行企企。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|