Cirlcle由中學開始學結他，酒吧，街頭、商場，通通都表演過，佢話街頭表演反而最正，她說：「喺街路人反應好直接，表演完會拍手掌，反而酒吧有時係零反應。」
爆 Like王
唱 689被恐嚇 〈魚旦先生〉巨肺女：話會對我不利
２月９日年初二零晨發生「魚旦事件」，無論你定性係暴動、騷動、動亂都好，對香港人嚟講都終生難忘， 25歲唱作人 Circle，亦有感而發，作了首〈魚旦先生〉講述事件，歌詞雖持平，但仍惹嚟五毛黨攻擊。
其實 Circle早前仲作咗首〈梁特首，你好嗎？〉歌詞鬧特首官商勾結又懶理百姓，仲話佢落台會放煙花慶祝，唔只有五毛黨，直頭有人 inbox恐嚇佢，她說：「佢哋叫我唔好再做呢啲嘢，咁樣對妳不利㗎。」妹妹仔唱幾句啫，咁都有強力部門做嘢？
F:《 FACE》 C:Circle
F：點解會創作〈魚旦先生〉呢首歌？
C：嗰陣見到 facebook好多人 share啲 comment，係勁多負面嘅嘢，慢慢自己亦睇啲新聞囉，其實係好無意㗎，突然間「叮」一聲，無啦啦彈緊多個 chord，無啦啦哼下哼下就作咗隻歌出嚟。對於年初一發生嘅事，會覺得做咩攪成咁呢？全部都係香港人，可能某一啲人係唔啱嘅，但好多新聞有唔同嘅版本，但點解會變成咁嘅呢？好似前幾年都唔係咁。會唔會係呢個特首上任就變成咁呢？我自己就有好多個問號係度。
F：點解〈魚旦先生〉首歌咁中性？
C：如果我係幫警察或者市民，無論那一邊都會有人出聲，會話你一定唔啱啦，我會覺得首歌立場中性會好少少，我覺得創作呢啲嘢，唔會特別理呢啲批評，我想表達咩就會寫出嚟。但即使題材中性，都有好多五毛黨，我本身都唔知呢個 terms，首歌只係 po咗一兩個鐘，就有呢啲人留 comment，初時都會質疑自己係咪錯，又多咗好多 dislike，其實都有啲「淆淆地」。我心諗其實香港人嘅事，你五毛黨點解要留 comments呢？都唔關你哋事。佢哋由朝早 7點留言留到 9點，我後尾都無所謂，因為我都冇睇同覺得唔重要。
F：點解作〈梁特首，你好嗎？〉？對佢有咩感覺？
C：呢幾年，你會見到 facebook好多人嘅 post，都係對特首一啲「致謝」嘅詞語，所以又係「叮」一聲去作，希望下一任會更加好啦，如果佢係一個做得正常嘅，唔會有咁多人反佢囉，其實佢好多時嘅說話回應，都係好令人激發情緒。不過我作咗呢首歌之後，有人 inbox我，叫我唔好再做呢啲嘢，咁樣對妳不利㗎，我咪寫多謝你嘅回應。
F：做獨立唱作人為持到生計嗎？
C：做音樂去維持生計係難嘅，所以好多人都唔係話捱到好耐，或者要好節衣縮食咁囉，我就連埋教結他，唱餐廳、接贊助、出下騷，可能一個月８千蚊囉，生活唔到㗎，所以咪話啱啱好囉，死慳咪做得到囉。
F： 14年參加過《中國好聲音》，對呢類比賽有咩感覺？
C：因為嗰陣時我幫 moov拍嘢，嗰班人問我有冇興趣玩《中國好聲音》，咁咪試下囉，入咗圍要唱十隻歌，你要唱邊十隻歌呢？我頭嗰５隻歌，我寫哂我嘅原創歌，到最後一日，我同一班參賽者就入房啦，咁有人就同我講，你全部揀哂原創歌呀？會唔會考慮唱下出名少少嘅歌呀？好似張信哲呀，張惠妹嗰啲，迎合大陸市場嗰啲，鳩叫呢啲嘢，其實作為唱作歌手，唔需要呢一樣嘢，總之表達到成件事就足夠。
攝影：鄭明川
|
鍾意就快D Share啦！
|
|
|