早上10時，尖沙嘴漢口道發生持槍企圖行劫案。讀者梁生是海防道一店舖的員工，他說：「有人追出嚟，大嗌『搶嘢』，一個光頭中年男子被按響地，10多秒後有警察到場。」據梁了解，該名光頭漢手持一支槍，在海防道的巷仔，向一間賣首飾店的女職員指嚇打劫。「唔知點解，個女職員既老闆睇穿係假既，沒有就範，大叫搶嘢。」梁續說，該條巷仔都有不少途人，店舖有印卡片、賣行李喼等，「佢﹝賊人﹞可能趁人一開舖就打劫。賊人事賊逃走，穿過大廈走出海防道，剛巧一間珠寶店的職員，正在門外等開閘，聽到嗌搶劫立即從後捉住賊人。梁說：「個賊俾人騎住，根本無得反抗，只係話『可唔可以放開我先？我有病』但無人理佢。」梁見到疑犯腰間有支懷疑手槍物體，用衫掩住「不知係唔係真既」。事後警員將它拿去丟在地上，並用警帽掩住。想睇最新消息？ 即時follow【現場－蘋果突發】fb！http://fb.com/applecitycrime
| 涉案疑犯被警員拘捕，他身上的「槍」被放在地上，用警帽蓋住。(讀者梁生提供) |  |  |
 幫手捉賊的珠寶店公司男職員，向警方指示位置。 (梁澤岡攝) |  警方撿視懷疑槍支。(梁澤岡攝) |  警員在被劫的店舖調查。(梁澤岡攝) |
來源 source: http://hk.apple.nextmedia.com
|
鍾意就快D Share啦！
|
|
|
