猷亨陳瀅首個情人節劉佩玥硬做電燈膽
圈中女神戀事多，情人節臨近，當然想一雙一對！新紮女神陳瀅與賭王四房公子何猷亨將共度首個情人節，惟好姊妹劉佩玥事先講明會做「瀅亨」電燈膽，嚇得陳瀅反問她是否一廂情願！而「十優港姐」麥明詩則大呻男友林作不夠浪漫。
劉佩玥未有情人，但獲甜蜜中的好姊妹陳瀅相約，好「友」愛！
陳瀅情人節約定好姊妹劉佩玥共度，咁佢同男友猷亨咪多咗個電燈膽？
陳瀅和劉佩玥感情要好，經常孖公仔現身。
猷亨與陳瀅的首個情人節看來要三人行。
麥明詩和黃子恒在心形圈合照，如此甜蜜的場景，她應該想與男友林作影多啲。
林作
距離情人節尚有幾天，怎樣慶祝甜蜜佳節令一眾新紮女神相當「頭痕」！憑劇集《四個女仔三個BAR》而人氣急升的陳瀅，一向被視為難得的清純「蒸餾水」，當劉佩玥（Moon）去年跟賭王之子何猷亨傳緋聞之際，最後陳瀅反高潮爆出與與猷亨拍拖。Moon未知是否因而「嬲嬲豬」，揚言要做「瀅亨」電燈膽。她昨日出席無綫明珠台《愛的季節》節目宣傳，談到情人節怎樣過時，她自爆要與「情人」慶祝！問到誰是「情人」？她說：「陳瀅囉！」她表示不怕做陳瀅與猷亨的「電燈膽」，還說：「陳瀅約我同何雁詩，唔係我約呀！陳瀅太愛我哋喇！」
「係咪佢一廂情願？」
問到是否讓Moon做她與猷亨的電燈膽，陳瀅接受本報電話訪問時說：「係咪Moon一廂情願？點解佢會話我哋一齊過，我同佢、何雁詩都冇傾過，未有計劃。我記得我哋三個上年三月係一齊過，所以約好要延續呢個傳統，就係情人節要見面！」她立刻致電阿Moon求證，然後回覆記者：「我諗番起，原來好耐之前我哋約咗情人節要去某個地方，地點唔透露但我哋一定會去！（會唔會同男友過？）唔知，佢有可能唔喺香港，但我就一定會去見阿Moon。」問到阿Moon做了電燈膽？她卻意有所指地說：「可能係我做電燈膽呢！依家變咗我需要佢陪我，多過佢需要我陪佢！」至於與Moon一同出席活動的「十優港姐」麥明詩（Louisa），則無懼男友林作呷醋，與黃子恒在心形氣球下拍照。她透露與林作未有情人節計劃，還呻男友不夠浪漫：「佢對我係細水長流，雖然唔係浪漫型，佢Sell搞笑同輕佻！」
麥明詩唔恨收禮物
Louisa又透露跟去年的情人節一樣，林作要師傅提點，才醒起要訂枱食情人節大餐。問到最想收甚麼禮物？Louisa大騷「非凡港女」本色，她說：「唔需要！平時見到啱嘅，大家都會送畀對方，我收過佢送嘅耳環，佢唔係鍾意親手整嘢嗰啲。（畀怨言佢聽？）唔係。我以前都有整畀大學時嘅男友，嗰時未有收入要慳錢，依家大咗冇咁多童真。」
採：影視組、名人組
文：專案組
劉佩玥未有情人，但獲甜蜜中的好姊妹陳瀅相約，好「友」愛！
陳瀅情人節約定好姊妹劉佩玥共度，咁佢同男友猷亨咪多咗個電燈膽？
陳瀅和劉佩玥感情要好，經常孖公仔現身。
猷亨與陳瀅的首個情人節看來要三人行。
麥明詩和黃子恒在心形圈合照，如此甜蜜的場景，她應該想與男友林作影多啲。
林作
|
鍾意就快D Share啦！
|
|
|
