熱爆娛樂: 冇劇開搞網購　王君馨創自家飾物避寒 [壹週刊

2016年3月24日星期四

冇劇開搞網購　王君馨創自家飾物避寒 [壹週刊 - 1359] 君馨,M1,王君馨

娛樂偵訊

冇劇開搞網購　王君馨創自家飾物避寒

處女黨員王君馨（ Grace）因為遲遲未落筆續約，辣㷫高層被擺埋一邊。冇乜嘢做，王君馨唔想坐以「待斃」，於是另謀出路，與本地手製飾物 Dearbell合作，推出自家設計品牌 DearestGrace。有處女黨員捧場外，更出動教友 G.E.M.和衞蘭硬撐，用行動證明俾大台知，處女不死！

唔願長期賣身

早在去年，拖住唔續約的王君馨已被無綫急凍，還好當時王晶搵她拍賀歲片《賭城風雲 3》，再安排拍新劇《城寨英雄》，才不致完全坐冷板。

「 Grace覺得長約太困身，加上當年佢參加《星夢》後簽約星煥唱片，因為抗命唔肯留長頭髮俾人雪，唱片都冇得出，跟住唔肯續約又被公司擺埋一邊冇劇開，好彩晶哥幫無綫開劇預埋佢，俾佢喺《城寨英雄》做打女，都叫做有個機會試唔同嘅嘢。」知情者說。

王君韾的生意處女作，將精油香水加入飾物，戴上後充滿香氣，飾物幾百蚊有交易，都幾有諗頭。

賣自家飾物的王君馨，在上環開設 show room，平日多交由拍檔睇鋪，老闆之一的她亦會間唔中出現。

推個人品牌

王君馨烈女性格，唔想守株待兔等機會，選擇自己創業搵出路。最近她推出自家製飾物，希望闖出一盤生意。

「舊年拍嘅《公公出宮》收視好， Grace好開心，雖然有王晶俾機會又有老友王祖藍照住，但佢知道唔可以吓吓靠人，所以自己乜都試，好似做舞台劇《蒲 2.0》，又同本地手製飾物 Dearbell合作推出個人品牌 DearestGrace，將精油、香水同飾物共融，一舉兩得。最緊要係抵玩，幾百蚊已經有交易。」有知情者說。

處女黨姊妹創業，鍾嘉欣最撐，頻頻戴上王君馨自家飾物，包括耳環在網上宣傳造勢，當日鍾嘉欣婚禮，李亞男亦戴住姊妹作品送嫁。

拍完《城寨風雲》，冇劇開的她近日做舞台劇。

免費宣傳團隊

有生意頭腦又鍾意設計的王君馨，唔想開大個頭，飾物暫時主力做網購，試水溫後，再作進一步計劃。

「而家好多人做生意都係先做網購試反應，唔使捱貴租，又可以睇到效果，但因為同 Dearbell合作，所以喺上環有個 show room， Grace設計嘅飾物會喺嗰度擺；佢仲好醒咁一早送咗批成品俾班處女姊妹，等大家戴上身，免費做人肉生招牌，加埋班教會歌手朋友包括 G.E.M.同 Janice（衞蘭），個宣傳平台夠晒大。」知情者說。