熱爆娛樂: 升女一　未脫貧　李佳芯住公屋 [壹週刊

2016年3月24日星期四

升女一　未脫貧　李佳芯住公屋 [壹週刊 - 1359] 李佳芯,M1,

探熱針

升女一　未脫貧　李佳芯住公屋

星期日剛播完大結局的《潮流教主》中，同男主角陳豪惡鬥到最後的李佳芯，被認定是劇中眾女角中表現最搶一個，過往慣性被派演小三角色的她， 12年才由有線過檔大台，李佳芯極速上位，幾年間已有機會在新劇《與諜同謀》坐正。

擅於演繹勢利、姣精角色，與現實中的李佳芯完全兩極。做到女一，但未脫貧的她住公屋，搭巴士，生活節儉，有個拍拖一年、在 nowTV做主持的男友。上週四（ 17/3），李佳芯與男友陳炳銓雨中漫步，免費浪漫！

爭取時間

睇《潮流教主》，會經常聽到「等價交易」這句對白，但套在劇中飾演 Vincy的李佳芯身上，卻另一回事。

由《名門暗戰》做情婦 Ivy開始，李佳芯的「姣小三」形象深入民心，但現實中，愛情和金錢物質並未有掛鈎；拍拖一年的男友陳炳銓（ Danny），只是 nowTV一個奀星主持。

上週四（三月十七日），拍攝中的新劇《與諜同謀》早班外景，李佳芯原本要拍到下午六點才收工，但因為天氣關係，提早到兩點便收隊！

難得早收，夜晚仲要開廠景的李佳芯冇返屋企，第一時間撲去男友位於西貢蠔涌的村屋瘟仔。

上週四，因天氣提早收工，見有時間，李佳芯撲到男友屋企短聚，之後再繑實去食飯。

男友拎手袋，李佳芯就負責擔遮，二人雨中漫步，唔使錢。

食飯期間，李佳芯不時舉起手機，狂影 Danny。

男友埋單，李佳芯就開定遮等。

雨中漫步

二人世界三粒鐘，黃昏六點，戴漁夫帽的李佳芯孖住男友離開。見女友一手繑住自己，一手撐住遮， Danny主動為她拎住粉紅色手袋，十分體貼！

二人揸車出西貢墟食茶餐廳醫肚，邊食邊傾，期間李佳芯又拎起手機狂影，食完男友埋單，李佳芯就拎定遮等。

上位花旦拍拖唔避忌。飯後二人雨中打傘漫步，只見沿途 Danny不停嘴，十分健談，而繑住他的李佳芯則全程笑盈盈。

之後 Danny揸車送女友，返將軍澳電視城開工。早收幾粒鐘都要見，拍拖一年，依然處於熱戀期。

飯後 Danny揸車送女友返 TVB繼續開工。

開始多人認得，但李佳芯毫無避忌，不時對住男友伸脷扮可愛。

在《潮流教主》中，李佳芯與羅仲謙有激情嘴戲。

行山結緣

一二年從有線過檔無綫的李佳芯，初期被安排做節目為主，主持《學是學非》上位後，被宅男封做女神；一四年，孖住蔡思貝做過旅遊節目《山系女行 Yama Girl》，因而與熱愛行山的 nowTV節目，《山步行》主持 Danny陳炳銓撻着。

「其實 Ali（李佳芯）一早已經識 Danny，但唔太熟，後來因為要拍行山節目，佢搵 Danny攞意見，又約埋一齊行山，就係咁開始。

「 Ali個人好簡單，揀男朋友更加唔會考慮對方家底，最緊要夠上進。好似 Danny咁，除咗幕前演出，亦有做舞台編劇同導演，又喺曾志偉帶頭搞嘅幼兒教育中心 part time教書，佢同 Ali都係鍾意行山同演戲，真係好啱 key！」

在《與諜同謀》孭正的李佳芯，劇中有個五歲仔；唔做小三做阿媽。

李佳芯同鄭俊弘對戲，七情上面。

擔任女主角，與回巢幫拖的羅嘉良有不少對手戲。

慳儉搭巴士

男友冇米，但勤力上進；李佳芯雖已升呢做女一，但未脫貧。仍然與家人同住柴灣舊公屋，平日出入，多數搭公共交通工具，唔會隨便搭的士，十分貼地！

孭飛做女主角的新劇《與諜同謀》，幾乎日日有通告，收工撞正男友唔得閒，李佳芯單拖到銅鑼灣 shopping，去藥房買暖貼，行平價時裝店和化妝品店，跟住坐巴士返柴灣屋企，慳妹一個！

第二日，早班通告，拍到五點在尖沙咀收工，李佳芯在 K-11一間露天 cafe坐低醫肚，食完繼續刨劇本，好勤力！雖然已經三十三歲，但李佳芯肯有心，唔怕遲。

冇約男友的李佳芯，收工自己食飯，期間不忘刨劇本，咁勤力，抵佢上位。

家住公屋的李佳芯，買衫專攻平鋪，出入搭公共交通工具，好慳。

拍拖一年，同男友有共同興趣的李佳芯，好快融入對方朋友圈。

李佳芯曾經拍住蔡思貝做《山系女行 Yama Girl》主持，更因此與鍾意行山的 Danny撻着。

正式坐正

模特兒出身的李佳芯（原名李嘉馨），拍過多個電視廣告，包括 McCafe、麗的化妝棉及京都念慈菴潤喉糖等， 08年簽約有線電視，主持體育及旅遊節目。

12年，改名李佳芯並轉投無綫，拍過多套電視劇，《食為奴》、《愛我請留言》、《愛•回家》等， 14年憑台慶劇《名門暗戰》情婦 Ivy一角，大獲好評，人氣急升。去年李佳芯入圍萬千星輝頒獎禮 2015「最佳女配角」及「飛躍進步女藝員」，並於劇集《波士早晨》及《潮流教主》擔演重角，被無綫欽點力捧的她，在拍攝中的新劇《與諜同謀》，正式坐正。