15年
擔正女一後，黃翠如已經同轉會初期好大變化。
娛樂偵訊
拉平眼肚 加深雙眼皮 黃翠如勁膠
過檔無綫四年，黃翠如有余詠珊射住，套套劇擔正，不過負皮演技，加上經常素顏走樣周圍去嚇親人，令女神地位危危乎，為挽回頹勢，翠如 BB竟然落重手，搞到塊面膠晒，雙眼皮忽然變深，眼肚又平晒！咁變法，恐怕蕭正楠都未必認得！
由微調到重手
得到方丈加持，黃翠如由有線主播搖身一變為無綫首席花旦，接劇之密，堪稱全台之冠。
人紅樣變，翠如 BB亦由唔起眼發展到愈來愈順眼。
「 Sandy（余詠珊）落咗指令要捧黃翠如，班監製唔想自己套劇變倉底貨，甚至快啲可以出街，就算幾唔想，都會照用，否則就死路一條。不過咁，黃翠如都有自知之明，佢知自己冇乜演技，個樣又唔係特別標青，一定要加強戰鬥力，所以好早佢已經有微調咁執過吓個樣！等自己睇落順眼啲！」知情者說。
微調的優點係自然，不過，就要定時定候去維修，不過翠如 BB劇接劇，加上經常唔化妝蒲出街，浮浮腫腫冇滴血色，十分趕客。
「嗰次俾人影到佢晨早一滴妝都冇，同蕭正楠一齊離開屋企個殘樣，佢真係好唔開心！之前俾高登仔封做女神 BB，讚到個人飄晒，俾人彈走樣，梗介意」
為免再被外界以「崩壞」來形容，黃翠如決定重手大執，雙眼皮深咗，眼肚亦唔見埋！
「公司班阿姐、姐仔個個係咁執，翠如 BB無謂輸蝕吖！最近喺活動見到佢，成塊面膠晒，真係要望多幾眼，先肯定係佢！」
鼓勵變靚啲
原來，負責掌管藝人部的大媽樂易玲，亦不時鼓勵藝人變靚啲！
「無論男定女，樂大媽都好鼓勵佢哋執吓個樣，話食呢行飯要令自己更有吸引力同觀眾緣，連余詠珊都有呢鋪癮！」一名無綫人說。
走火入魔
後天美容，同吸毒一樣，靚過就返唔到轉頭，結果愈整愈重手，搞到走晒樣嘅，大把！
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|