戒指鎖定石詠莉
41歲的鄧健泓過去感情生活豐富，先後跟原子鏸、李詩韻和龔嘉欣拍拖，惟前組合Freeze成員石詠莉才是命中注定的伴侶，前年兩人合作舞台劇《大酒店有個荷李活》擦出愛火花，拍拖不足兩個月已同居試愛，前年到沖繩預支蜜月，大方承認有結婚計劃。
■鄧健泓已認定石詠莉是自己的女人，並表示很快會給她名份。
婚期不遠訪問當日，鄧健泓的右手中指戴着戒指，他說：「兩年前我哋去沖繩影唱片封套時買，可以話係定情戒指，當我發覺會為佢嘅事業、為佢嘅將來擔憂掛心付出，呢個人無疑喺我心目中有一個位置，所以嗰晚做完嘢拖佢入去，問佢鍾意邊對戒指，我哋就買咗呢對，唔係話訂唔訂婚，係一個關係嘅肯定。」
問到何時拉埋天窗？鄧健泓說：「要諗預算，因為嚟緊我哋自資出新碟，相信會喺不久將來發生。」
來源 source: http://hkm.appledaily.com
|
鍾意就快D Share啦！
|
|
|
