除了柴灣連城道，通往粉嶺和合石墳場的公路亦出現塞車情況，並且發生交通意外。的士司機鍾先生接載乘客往和合石，至橋頭路時目擊車禍。一輛本田私家車失事，撞低兩名男女途人，再撞爛欄杆直衝落山坡。鍾說：「被撞嘅阿婆，跌咗入坑渠，成面血，手腳都係血呀！」他即時落車協助，與婆婆的家人合力，將她扶出坑渠。「條坑渠好跣，佢﹝傷者﹞仲清醒。」而私家車司機被困車上，疑驚惶失措目定口呆。鍾續說：「佢㗎車泊好咗，可能想泊好啲，點知油門當腳掣剷咗上去。」過程被鍾先生的士的車CAM拍下，他指婆婆是剛由前面的士落車的乘客。另一名目擊車禍的讀者莊先生表示，婆婆頭面受傷。而私家車擱在山坡上，要拖走比較麻煩，「消防車到場都幫唔到佢，相信要吊返上馬路先得。」莊今早10時許駕車與親友往和合石墳場，他說：「真係好多人，比以往多三、四成。」莊先生稱，由於運輸署網頁指，將會於下周六日及復活節假於上址封路，因此大家都提早拜山，結果提早出現交通擠塞。警方發言人稱，事件中81歲姓馮婦人及27歲姓黃男子，分別頭及手受傷；而50歲姓謝司機，則頸傷，同獲送院治理。想睇最新消息？ 即時follow【現場－蘋果突發】fb！http://fb.com/applecitycrime
| 私家車失控剷上山坡。(右)(讀者莊先生提供) |  意外中受傷的男子獲送院治理。(譚健文攝) |  遭撞傷的婆婆，獲送院治理。(譚健文攝) |
來源 source: http://hk.apple.nextmedia.com
|
鍾意就快D Share啦！
|
|
|
