| 網民搜羅《潮流教主》各位女主角嘅日常素顏照。（利申：啲相真係唔知有冇執過架） | next 1/1 pre |
 | |
| 李佳芯被讚清純有氣質。 | next 1/1 pre |
 | |
| 莊思敏都唔差。 | next 1/1 pre |
 | |
| 有網民話湯洛雯好正！ | next 1/1 pre |
 | |
| 新一代女神Jeannie素顏梗係靚到爆！ | next 1/1 pre |
 | |
| 雖然有網民話許亦妮張相「膠膠哋」，但亦話佢真人係唔差架！ | next 1/1 pre |
 | |
| 有網民話邵珮詩先稱得上係真．素顏。 | next 1/1 pre |
 | |
| 李亞男仲勁，素顏後生咗，不得了！ | next 1/1 pre |
 | |
| 已經係人母嘅呂慧儀，素顏都幾掂。 | next 1/1 pre |
 | |
| 楊秀惠被指有「老顏」感覺。 | next 1/1 pre |
 | |
| 蔡思貝素顏被批冇睇頭。 | next 1/1 pre |
 | |
| 李璧琦衰多手執相，搞到網民話佢似「ET」！ | next 1/1 pre |
無綫劇集《潮流教主》熱播，劇中大批女演員日日都「扮到隻雀」咁，形象亮麗似足出騷，有網民「睇到厭」，即刻搜羅各位女主角嘅日常素顏照，雖然唔知啲相有冇執過，但overall嚟講都仲認到邊個打邊個嘅！
激讚李佳芯清純
首先有上位「奸后」李佳芯（Ali），近排佢擔正嘅機會愈嚟愈多，雖然最近佢日拍夜拍搞到電力跌晒wat，但網民見到佢張大頭素顏相都讚佢有氣質之餘仲相當清純，一啲都唔似已經33歲，同劇中多位青春派嘅女演員好似25歲嘅蔡思貝（Sisley）、26歲嘅陳瀅（Jeannie）有得揮，仲話「你話Ali係Sisley細妹我都信呀」！
李璧琦執相衰多手
而講到Sisley，佢亦都冇得幸免，被網民搵到佢張素顏相，不過一向運動形嘅Sisley擁一身健康膚色，而平時亦都冇乜化濃妝，所以素顏冇乜「睇頭」！而新一代女神Jeannie素顏亦靚到爆，雙眼炯炯有神，難怪大批宅男都畀佢電暈！另外，已為人妻嘅李亞男、呂慧儀亦都大獲好評，相反「負評」較多嘅則係31歲嘅楊秀惠，有網民話佢妝前妝後反差甚大，而且因為皮膚較暗啞，望落好似冇乜精神咁，亦有啲「老顏」感覺，叫佢唔好捱夜捱咁多。而37歲嘅「聲樂女星」李璧琦（Becky）就衰多手執相執得太勁，被網民譏笑似「ET」！
網民有話兒：
LeslieXXXXXX：蔡思貝素顏真係好似「達哥」，李亞男個樣好得，仲後生咗好多，王祖藍前世拯救咗地球？
趁早XX：佢哋好似有畫眼線，啲相又「柔化」咗，好似得邵佩（珮）詩真係稱得上係素顏喎！
明月XXX：得罪講句楊秀惠好似村姑，所以幾時都話人靠衣裝，女人真係好識用化妝品「喬裝」。
永恆XX：湯洛雯、陳瀅同Ali都好正！
HarryXXXXX：許亦妮張相好似「膠膠哋」，但見過佢真人幾OK。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|
