掃呢頁CODE去手機

2016年4月14日 星期四

情侶檔輟學賣喼 月賺$7萬 [壹週刊 - 1362 - 財經] __,M1,

兩位老闆對這次採訪十分重視,在事前更多次與記者確認訪問日期,原來是為了遷就理髮時間,「個頭今朝使咗幾百蚊剪㗎,Winnie(左)都用咗成千蚊去化妝。」Ken(右)笑說。壹盤生意情侶檔輟學賣喼 月賺$7萬近日文憑試開考,考生戰意高昂,有的更認為:「唔可以入唔到大學!」、「入到大學先搵到好工,搵到好工先有好嘅前途!」九十後關志豐(Ken)及何詠凡(Winnie),對這些觀點卻一點也不認同。兩人在中一已 ...


兩位老闆對這次採訪十分重視,在事前更多次與記者確認訪問日期,原來是為了遷就理髮時間,「個頭今朝使咗幾百蚊剪㗎, Winnie(左)都用咗成千蚊去化妝。」 Ken(右)笑說。

壹盤生意

情侶檔輟學賣喼 月賺$7萬

近日文憑試開考,考生戰意高昂,有的更認為:「唔可以入唔到大學!」、「入到大學先搵到好工,搵到好工先有好嘅前途!」

九十後關志豐( Ken)及何詠凡( Winnie),對這些觀點卻一點也不認同。兩人在中一已就讀同一中學,到中五開始邊拍拖邊網上賣手袋,其後開設行李部,轉賣行李喼。升大學,更特意一同選讀城市大學公關系,讀到最後一年,見賣喼生意愈做愈有,竟雙雙「 quit u」,專心做生意。

他們都揚言:「我哋嗰科無乜前途,快啲出嚟做生意仲好!」但「創業難,守業更難」,雖由網上轉戰旺角樓上鋪,食正近年廉航潮,月賺高達七萬。但二人除了要氹掂要求多多的空姐客人,更曾面對 MK大漢「挑機」,他們又如何拆解?

店鋪每月都會入貨數次,由於行李箱體積龐大, Ken惟有將貨放在走廊:「好彩隔籬鋪都無投訴。」

訪問期間正值長假期,開店前兩位老闆原以為港人都出外旅行,老闆之一 Ken指:「復活假之前已忙咗輪,今日應該唔多人㗎啦。」怎料下午三時開始人流湧至,訪問亦被迫中斷。就現場所見,不少顧客都明顯有備而來,在手機上「碌碌吓」,詢問兩位老闆款式。

由於沒有請店員,兩位老闆難免有點手忙腳亂,但客人大多都不介意等待。其間更有空姐專誠到店鋪拿貨,對於要求多多的空姐, Ken亦不怯:「呢個款啱短途機」、「個色今晚之前仲有得轉」,不斷製造話題之餘,更主動教空姐如何保養行李箱:「記得拉鏈位唔好整花,保養唔保㗎!」怪不得其中一位空姐 Jan,在兩個月內已介紹二十位客人給他:「都係同一屆訓練嘅同學,佢都特登平俾我哋,我見用得幾好咪介紹俾其他同學。」

未畢業 創業有團火

每次搬貨時, Ken雙手總會被紙箱弄污:「鍾意乾淨好難做到呢行,哈哈。」

「一開始邊有講得咁流利,都係憑經驗累積!」二十四歲的 Ken,記者看不出他已有逾八年工作經驗。他自命不是讀書材料,又碰上末代會考,早已打算投身社會。偏偏他又夠分升讀中六:「中五時已開始做生意,一開始喺大陸廠房入貨,再拎啲手袋去 Yahoo!拍賣,放學時交收。之後發現愈嚟愈多人咁做,咁我就轉做賣喼。」

在網上賣了三年多行李箱,二人儲了四萬多元,決定到旺角好景開實體店。 Winnie回想起風險其實頗高:「我哋都無問屋企人攞錢。大部分嘅錢都用來入貨,如果一個月都賣唔出都幾危險,曾經試過一次真係周轉不靈,惟有問媽咪賒咗幾萬蚊數,一、兩個月後就還咗。」生意愈做愈有,二人開始考慮未來路向:「嗰陣讀緊 year 3,生意上咗軌道,愈嚟愈忙,開始兼顧唔到讀書,我哋就諗如果就咁唔做,但係畢咗業就未必有呢團火,屋企人起初都反對,但最後都決定唔讀。」

閒日賣平過 SOGO

Ken提行李箱多年,早已練得一身好「武功」,攝影師要求他一次過提起兩個行李箱亦毫無難度。

店鋪一開始,都是賣大陸「雜廠牌」行李箱,他指「雜廠牌」雖然毛利較高,但如要開實體店,始終要售有牌子的貨品,保持店鋪形象:「我揀咗 Delsey同 American Tourister,就係因為佢哋有三年全球保養,維修幾多次都唔加錢,其他牌子好少做得到。」由於兩個牌子都在百貨公司有售,樓上鋪要接洽都花了不少工夫:「大牌子最少都要入一百隻,近十萬蚊貨,我要開鋪一排先儲到錢。一開始求佢哋俾幾隻款我哋試,應承佢哋每個月可以賣幾多隻,佢哋仲特登上過嚟睇吓環境,最後都肯應承。」他透露不少客人知道品牌在一田、 SOGO等大型百貨公司都有售,令營業額提升。

他們坦言,行李箱在一般百貨公司的專門店,大約有三至四成利潤,樓上鋪比專門店可以賣平一點:「我哋毛利大概百分之十至十五左右,來貨成本一定比專門店佢哋貴,如果賣一樣價錢,我哋就唔使做,所以佢哋零售價會高少少,俾生存空間我哋。」由於百貨公司定時都會舉行大減價,這時候價錢就會比他的店平:「一年都係得幾日,我哋都唔會特登減價去鬥,免得破壞同大家嘅關係。」

引客落鋪睇

Kate(左二)當天就與兩位空姐同事一同提貨:「搵食工具,梗係重視啦,出面百貨公司啲姐姐都無老闆咁熟啲喼!」

對於不少小店都流行用 facebook及 Instagram宣傳,但 Winnie指相比衫褲鞋襪,要宣傳行李箱較為困難:「衫嗰啲都預計到 size,但係喼客人就比較難預到幾重。就算同個客講二十八吋,佢哋都唔知幾大,我哋惟有喺網上好詳細咁講用咩料,張相影靚啲,再吸引佢哋上嚟。」他補充在網上的貨都不會寫價錢:「試過寫,隔籬網就會跟你個價再平少少,最後只會一直鬥落去。」

除了在社交網絡宣傳,他們連日漸衰退的團購都不放過,二人皆指團購網賣貨「無肉食」:「一嚟啲網站每件貨都要抽佣,二嚟團購個價又唔可以貴,所以幾乎打個和。放上去主要都係為咗多啲人識,同埋去多啲貨。」但試過有團購網「走數」:「爭咗我十幾萬,拖足我三個月,依家仲有四萬未還。」

童顏惹 MK挑釁

年紀小小就成為老闆,竟然引來顧客眼紅。 Ken指出,因自己樣子不夠「老成」,在開鋪初期成為障礙:「試過有次有客行入嚟,問我係唔係老細,如果話係,個樣就好唔忿氣;如果話唔係,佢就會話一睇就知啦,俾心機,捱吓啦。」

他指有不少客人因自己年齡問題,故意留難後離開,亦曾經試過客人在店內要脅向海關舉報:「佢買咗個喼唔鍾意,想退錢,我話只可以換款,佢就發爛渣話我賣假貨,最後我惟有打去專門店確認,佢先知難而退。」最誇張一次就是引來 MK大漢挑釁:「嗰陣係個客訂咗四隻喼想嚟拎,但係我哋未齊貨,佢講晒粗口,除晒錶要我出走廊,撩交打咁款,咁我梗係死都唔出去啦,最後佢都無辦法走咗。」

American Tourister今年最新雙輪設計款式,以輕身為主打, 24吋售$950。

Polo鋁邊雙輪設計, 29吋推起來較順滑,配色設計較特別,售$590。

Delsey第一隻白色頂級 20吋款式,採用真皮手把,有剎車輪, 10年保養,售$1,989。

毛利漸少求出路

不少店鋪都以卡通喼作招徠,但 Ken坦言甚少入貨:「卡通喼價錢同無公仔差唔多,但係啲 license其實都幾貴,生產商為咗將貨就價,用料就無咁好,所以我哋都好少賣。」

兩位老闆直言,現時店鋪盈利的確有所下降:「自由行的確有影響,之前好多旅客喺下面買完奶粉會上嚟買喼。同埋愈來愈多新嘅競爭者,依家惟有薄利多銷。」他認為最終出路是要有自己的品牌:「我依家做嘅嘢,其實同專門店 sales無分別,我知道做一個新嘅牌子好難,但係呢幾年最清楚啲客需要咩,如果唔趁後生試,過多幾年先去做仲更加難!」談到退學,二人異口同聲地指未曾後悔:「將來賺到錢一定會繼續讀,到時用自己錢去外國讀書!」

開業資料(好望角店, 06/2015)

租金#二按一上:$60,000

裝修:$60,000

傢俬器材:$10,000

入貨:$400,000

雜費:$20,000

總投資:$550,000

營業資料( 03/2016)

營業額:$255,000

租金:$20,000

人工(兩位老闆):$20,000

入貨:$140,000

水電等雜費:$5,000

盈利:$70,000

搭廉航 揀咩喼?

Ken指,各間廉航對於行李負重及尺寸都有一定限制,所以要小心留意才選購,他對於選購行李箱有以下心得:

( 1)相比起鋁邊行李箱,有拉鏈的行李箱更適合,因為輕身約一公斤,而且容量更大。但當要攜帶易碎行李時,鋁喼就較佳。

( 2)因國際民航安全要求,到美國需要選購有 TSA鎖的行李箱,因為當地執法人員有權突擊檢查行李,如沒有 TSA鎖的行李箱就有被撬爛的風險。

( 3)現時主要行李箱以四隻轆及八隻轆為主,他指八隻轆更穩定,就算重心不平均都不會向前傾,但四隻轆的行李箱使用時相對較靜。

撰文:梁延宇

攝影、攝錄:廖健昌

ed_bn@nextdigital.com.hk


鍾意就快D Share啦!