堪咀！
然後鏡頭又影住暮煙自己一個行，心情好好望天一笑，然後就打電話。然後鏡頭影住架飛機，原來佢係打畀劉時鎮，叫佢齊齊返去烏魯克。鏡頭一轉，佢哋已經置身烏魯克，暮煙話自己冇機會同其他男人到呢個地方，大尉好嬲追打暮煙，然後暮煙幫大尉影相，仲話自己得XRAY相，然後佢叫大尉追佢，大尉話：「我追到你你就死。」
兩人繼續追逐，追吓追吓，追吓追吓，仲入黑添。之後，暮煙就話個島得佢哋兩個實在太好，暮煙問大尉點解唔飲酒，大尉話因為要駕駛船，大尉問暮煙啲酒好唔好飲，暮煙話好飲，仲笑大尉好似好想飲，然後兩個同時都話好緊張。大尉話依家有靚女，有酒，又有好靚嘅星空，然後佢哋一齊望向美景，仲不時感嘆。
然後佢哋見到流星，大尉叫暮煙許願，大尉問暮煙許咗咩願，暮煙話要佢摘星，大尉話星星已經坐咗喺佢隔籬，仲好閃，然後大尉就話：「因為你，我嘅世界更加明亮，點解有你咁好嘅女人嚟到我身邊。」暮煙即笑言佢前世做得好事多，仲話佢今世救咗國家，所以佢哋下世應該都有機會再見面，暮煙仲叫大尉下一世大家都要見面，大尉即話：「咁我哋約定。」大尉再問暮煙許咗咩願，暮煙話：「你會嚇親」，然後話個願望係想同身邊嘅男友咀嘴，大尉話唔係冇辦法，然後兩個人就錫錫。然後兩人鬥講：「我愛你。」之後兩人就不斷我愛你同不斷錫，真係怨氣到暈。
來源 source: http://hk.on.cc
|
鍾意就快D Share啦！
|
|
|
