掃呢頁CODE去手機

2016年4月14日 星期四

楊思琦羅霖勁冧宋仲基怕喊死 《太陽》今晚大結局 __,宋仲基,羅霖,思琦,楊思琦,

楊思琦羅霖勁冧宋仲基怕喊死 《太陽》今晚大結局【太陽狂熱】由宋仲基和宋慧喬主演的韓劇《太陽的後裔》掀起太陽熱,更成為ViuTV開台後最高收視劇集,超過52萬人次收看,令無綫收視暴瀉。香港時間今晚9時,韓國會播出大結局。本港女星棄膠劇,搶煲韓劇,連無綫前花旦楊思琦和前亞姐羅霖都有追看《太陽》,二人均勁冧宋仲基,近日網爆其角色劉大尉結局將中槍身亡,楊思琦與羅霖似乎無法接受,揚言會喊死。《太陽》編劇金恩 ...


楊思琦羅霖勁冧宋仲基怕喊死 《太陽》今晚大結局

【太陽狂熱】

由宋仲基和宋慧喬主演的韓劇《太陽的後裔》掀起太陽熱,更成為ViuTV開台後最高收視劇集,超過52萬人次收看,令無綫收視暴瀉。香港時間今晚9時,韓國會播出大結局。本港女星棄膠劇,搶煲韓劇,連無綫前花旦楊思琦和前亞姐羅霖都有追看《太陽》,二人均勁冧宋仲基,近日網爆其角色劉大尉結局將中槍身亡,楊思琦與羅霖似乎無法接受,揚言會喊死。

《太陽》編劇金恩淑昨接受韓國媒體訪問時,對結局大賣關子:「我不是儍瓜,在大結局的時候讓觀眾罵死我,我應該不會犯同樣的錯誤。」言語中似暗示劉大尉的厄運有轉機。

採訪:唐如、陳杰、皓騫



■《太陽的後裔》今晚大結局,劇迷都希望宋慧喬與宋仲基有美好結局。劇照



■劇中姜暮煙得悉劉大尉消息後,即時眼濕濕。

思琦:劉大尉有安全感「宋慧喬同宋仲基主演好吸引,睇時投入咗會迷上咗男主角形象,劉大尉成日都保護住女主角,好有安全感,追劇當然唔想結局係悲慘,咁會追到喊,我想happy ending。」

最鍾意一幕:姜醫生要求劉大尉再去做神秘任務時,以代號「百貨公司」表達,真的很諷刺。



■楊思琦大讚男主角劉大尉有安全感。資料圖片

羅霖:劉大尉眼神深情「我唔想宋仲基死!我睇所有劇集都希望大團圓結局,咁先開心。我睇Viu App追,冇時間坐定定每日追。我鍾意劉大尉打得,講嘢時深情眼神,用行動愛錫女仔,佢哋喺希臘first kiss嗰幕都好浪漫兼溫柔。《太陽》同《來自星星的你》都一樣鍾意,《太陽》劉大尉好打得,個樣可愛,似鄰家男孩咁親切,而且軍人橋段新鮮,劇本好,男女主角做得好,靚人靚景元素就一定hit。」

最鍾意一幕:地震災場,劉大尉幫姜醫生縛鞋帶那幕,每個女仔都期待有一個這麼細心、溫柔的男仔錫。



周秀娜:幸福作結「劇情好緊湊,呢兩晚會密切留意劉大尉嘅生死,我唔想佢死,每次面對險況,劉大尉都會逢凶化吉,平安返嚟。近日劇透話劉大尉會死,剩番姜醫生懷有遺腹子,我希望佢哋係一家三口幸福作結。」

最鍾意一幕:姜醫生架車卡在懸崖邊,劉大尉去到救她,然後一齊跌入海,好驚險。



陳靜(DaDa)「我好期待個結局,雖然近日劇透話劉大尉會死,但我好唔想佢死。呢套劇人靚景靚,拍到好電影feel,好有意思,畫面同歌好配,好催淚,我睇到喊。其實我都鍾意睇《來自星星的你》,始終兩套內容唔同,冇得比較。」

最鍾意一幕:兩人在軍營初吻,姜醫生搶住飲紅酒,劉大尉就鬼馬表示有方法可以飲,結果大膽咀女方,好浪漫,氣氛好好。





■DaDa大讚劇中宋仲基與宋慧喬初次咀嘴氣氛夠浪漫。劇照

羅若Off「宋仲基唔可以死,如果佢死咗,咁宋慧喬姐姐點算?我希望大團圓結局啦,可以一齊燒雞翼或煮個麵畀oppa食。聽日要返學,今晚媽咪唔會畀我睇,同埋我都唔識韓文,梗係睇字幕啦。我鍾意呢部劇,軍人同醫生拍拖喎,軍人好大隻,《太陽》同《星星》,我鍾意宋仲基同全智賢多啲。」

最鍾意一幕:宋仲基向宋慧喬表示:「未經你批准錫你件事,應該係道歉定表白?」



《G-1格鬥女》鄧洢玲「佢哋有激情,有生離死別,睇到好鍾意嘅場口,我會睇完又翻睇,希望佢哋有情人終成眷屬。」

最鍾意一幕:姜醫生做廣播時誤放錄音遺言,當中向劉大尉表白,那一幕好好笑。

唐紫睿「我中晒毒,心急好想知結局,希望劉大尉會冇事。呢套真係神劇,我覺得佢仲好睇過《星星》。」

最鍾意一幕:姜醫生幫劉太尉急救,見劉大尉停了心跳,不停為他做心外壓。



話你知:上《蘋果》即時同步直擊結局想今晚同步追看《太陽的後裔》大結局,見證雙宋的喜或悲,除了今晚9時上KBS官網睇冇中文字幕版直播外,事實上劇迷可以在《太陽》播出4小時後、即凌晨2時到Viu app手機程式或網上版觀看免費繁體中文字幕版。如果不想心掛掛半夜起身追劇,劇迷亦可密切留意《蘋果》即時娛樂新聞,本報將於今晚以文字形式直擊《太陽》結局。


鍾意就快D Share啦!