香港貨運吞吐量連跌21個月，導致最新全球貨櫃吞吐量排名跌至第6位，令身為香港經濟4大支柱之1的物流業，岌岌可危。貨櫃吞吐量下跌已造成骨牌效應，拖冧3大行業。第1，部分貨櫃碼頭工人收入較去年同期大跌3成；第2，中港貨櫃車司機每星期僅開工3至4日；第3，貨物保險業生意也較去年下跌約10%，業界估計近年有15%從業員已「跳船」。
「好多貨櫃碼頭工人嘅工資，係逐日計算，上年，工人每月開工日數約25日，但喺今年1至3月，平均得17日，跌幅逾30%，收入少咗6,000幾蚊，好難捱!」貨櫃運輸業職工總會主席陳迪手指出，貨運吞吐量下滑，令3,000多名吊機手、工程人員及橋邊理貨員等的貨櫃碼頭工人，生計大受影響。
運送貨櫃往來香港及大陸的中港貨櫃車司機，更是吊鹽水。「往年，自3月起喺踏入香港貨櫃出入口旺季，但今年截至4月，港口貨櫃量仍未見有顯著回升，令司機嘅收入，較去年少咗3成。」落馬洲中港貨運聯會主席蔣志偉無奈說，「呢行約有40,000名貨櫃車司機，數年至今，已有約3成司機因生計無法維持，黯然轉行。」
中港貨櫃車司機標哥稱，「去年1星期可以接到5至6個貨櫃，但喺今年，每個星期只係接得2兩至3個櫃，每星期開工2、3日，收入少咗約6,000蚊。」
骨牌效應下，貨物保險業也受影響。香港保險業總工會理事長張偉良透露，以1個40呎標準貨櫃，內含10萬美元(約78萬港元)價值的貨物為例，貨物險保費達萬多港元。有1間保險公司，往年1星期的貨物險保費逾60億港元，但在今年，每個星期的貨物險保費，蒸發約5億港元。「喺過去3年，保險業正面臨重大挑戰，因為佣金減少，有公司近年約有15%保險從業員已經『跳船』。」
香港中文大學市場學系教授冼日明謂，「新加坡同大陸，喺軟硬件配套設施上，比香港優勝，如果港府不思進取，未來1、2年，貨櫃相關行業將會雪上加霜。」
|
鍾意就快D Share啦！
|
|
|
