2016年4月30日 星期六

陳豪茵媺添女 三年抱三 __,茵媺,陳豪,陳茵媺,

陳豪茵媺添女 三年抱三陳豪和陳茵媺(Aimee)真是幸福家庭典範,三年抱三,第三胎如願生女,英文名叫Camilla,重7.15磅。陳豪昨日拖住老婆在養和醫院會見傳媒,全程又攬又錫晒恩愛,陳豪甜入心謂:「有BB都係天賜嘅喜悅,有埋個女就係上天圓滿我嘅人生。」Aimee聞「封肚」即dislike,看來這個大家庭明年又有機會再添新成員!陳茵媺在大前年12月和去年2月為陳豪誕下梓燁(AidenJoshua ...


陳豪茵媺添女 三年抱三

陳豪和陳茵媺(Aimee)真是幸福家庭典範,三年抱三,第三胎如願生女,英文名叫Camilla,重7.15磅。陳豪昨日拖住老婆在養和醫院會見傳媒,全程又攬又錫晒恩愛,陳豪甜入心謂:「有BB都係天賜嘅喜悅,有埋個女就係上天圓滿我嘅人生。」Aimee聞「封肚」即dislike,看來這個大家庭明年又有機會再添新成員!

陳茵媺在大前年12月和去年2月為陳豪誕下梓燁(Aiden Joshua)同浩鋒(Nathan Lucas),連生兩個仔,第三胎昨日終於揭盅,成功追女,恭喜恭喜!

陳豪和Aimee昨日下午近5時在養和醫院會見近30個傳媒,兩公婆笑到四萬咁口,但沒有抱BB一起現身。陳豪收工即趕到,可能未及時間整理髮型,髮線略向後移;反而生完兩日的Aimee十分精神,只是未收身,身材圓碌碌谷爆35E上圍。



【肉緊錫額】

■陳豪昨日接剛誕下B女的老婆陳茵媺出院,二人婚後三年抱三,幸福滿瀉。

腳長長似爹哋陳豪應記者要求連錫老婆三啖,問生仔定生女?兩人對望一眼,Aimee笑笑口宣佈:「Baby girl!」陳豪打趣問傳媒:「係咪賠率好好呢?」是否如願以償?陳豪點點頭說:「絕對係!有BB都係天賜嘅喜悅,有埋個女就係上天圓滿我嘅人生。One big family。」兩人透露小公主Camilla於本周三的吉時順產出世,重7.15磅,中文名遲些會由爹哋及公公一起改,Aimee說:「日子時辰呢啲都係BB揀,好彩所有嘢都順順利利。」陳豪表示囡囡似媽媽一樣咁靚,Aimee覺得B女腳長似爸爸,她說:「佢喺肚入面已經好高,好似一個model喇。」陳豪直言感意外,兩個哥哥都爭住錫妹妹。問Aimee囡囡出世有沒有喊?她說:「有呀,好緊張,諗住生第三個越生越calm,但生嗰吓仍然好緊張,見佢一出嚟猛喊,好strong。」陳豪卻很擔心:「我全程好擔心佢哋,次次入產房擔心,全程陪住一齊度過。」



【成功追女】

■陳茵媺第三胎是自然分娩,在本周三順產誕下愛女Camilla。

微博圖片



■陳豪拖實Aimee步出養和醫院回家,見Aimee圓碌碌仍未收身。



【昨日 髮線高】

■陳豪和Aimee昨接受訪問時,全程笑晒口,未知陳豪是否太勤力造人,髮線又再升高。



【10年 好濃密】

預告仲未封肚

曾說過讓老婆「副偈」休息的陳豪,會否讓太太封肚呢?Aimee搶答:「我唔鍾意呢個term,總之not happen now。」陳豪接着說:「總之我哋𠵱家有一個happy family喇。」Aimee表示會再休息一段時間才復工,陳豪表示會買禮物送愛妻慰勞,但暫時未買,他好滿足甜笑謂:「屋企有個queen,有兩個prince,再加一個princess,仲需要啲乜嘢呢?」Aimee亦覺得是最佳母親節禮物。

Aimee其後在微博貼母女溫馨合照,相中見B女鼻高高、嘴細細,瞓覺樣似媽媽多一點,Aimee以英語留言:「每個出生的奇蹟都令我驚嘆。上帝給我們的第三份禮物終於來到。歡迎我們的小公主Camilla。」

採訪:盧妹

攝影:陳志嵐

三兄妹晒冷【大仔 陳梓燁】

英文名:Aiden Joshua

出生日期:13年12月4日

年齡:兩歲多



【二仔 陳浩鋒】

英文名:Nathan Lucas

出生日期:去年2月26日

年齡:一歲多



【細女 Camilla】

出生日期:本周三

體重:7.15磅




鍾意就快D Share啦!