早排有傳陳山聰有望同何家千金超雲翻撻，不過佢就話過要低調處理，事關原來已經有個收埋兩年嘅新歡。今日有周刊報道話，當年同超雲分手，被指係「四失中年」嘅陳山聰，一啲都不愁寂寞佢，佢仲同名叫Apple嘅新歡拍拖足足兩年，仲喺將軍澳同居o添。即係陳山聰13年同何超雲分手，14年就同呢位30幾歲嘅Apple撻著，報道仲話呢位Apple自己做生意，仲同唔少圈中人係朋友，仲話佢性格溫馴文靜完全配合陳山聰要「低調」嘅要求，影相都自動隔開，而陳山聰都好認真對待呢段感情。早前陳山聰接受電台訪問，仲話：「如果我再有機會搵到伴侶，我希望呢個會係我嘅終身伴侶」，所以報道話佢會帶女友出席朋友聚會，以證「終身伴侶」地位。而早前因前度超雲主動要求復合，陳山聰為咗派定心丸，仲喺二、三月先後同女友去新加坡同日本旅行咁話！而陳山聰對於新戀情今日回覆《蘋果》話：「多謝大家關心、我相信我嘅新劇集《殭》會比我的感情事更加精彩，我希望所有私人事盡量低調，好好保護我身邊的家人朋友。」似乎係默認戀情喎！
來源 source: http://hk.apple.nextmedia.com
|
鍾意就快D Share啦！
|
|
|
