好耐冇見嘅劉錫明，Keep得唔錯喎。
藝人劉錫明為6月舉行的群星演唱會作綵排，接受訪問時，問到可感緊張，他笑言：「唔緊張，幾好玩。其實內地都有演出，已經廿年冇返香港唱，除咗唱K。」他表示囡囡及太太都會來港睇騷，不過囡囡就唔會一齊上台，因唔想畀壓力囡囡。問到開騷前可有甚麼要準備，劉錫明指最近在浙江開新劇，劇中需要剃頭，所以已經向劇組請假，等做完騷先剃頭。
為囡囡拎TFBoys閃卡而答應演出
提到為何今次會心動答應參與演出，他直言因很久沒有回港唱歌。談到以前的是是非非及被稱為「毒瘤明」一事，他坦言一向沒有隔夜仇，並謂始終時代已改變。問到可會考慮回港唱歌，劉錫明話要睇時機，因有好多事都不能強求。其後他笑言今次參與演出有兩個目的，就是想拍攝閃卡及幫囡囡拎內地男子組合TFBoys閃卡。
驚訝羅明珠猝逝
另外，提到羅明珠的死訊，劉錫明坦言感到驚訝，因為有感對方很年輕，並謂不知道對方有意復出：「之前同佢拍劇已經係1988年，28年前，之後都冇聯絡。身體健康真係好緊要，好多cancer同心臟病唔係淨係老人家先有。」
來源 source: http://hk.on.cc
|
鍾意就快D Share啦！
|
|
|