今年40歲嘅台灣剩女林心如，一直以來，大家都好關心佢嘅戀事，今日佢就趁住520嘅告白日子，成功脫離剩女行列，而男主角竟然係十年前同佢傳過緋聞嘅霍建華。二人曾於十年前，合作電視劇《地下鐵》傳出緋聞，沒想到，事隔十年，喺今日520嘅日子裏，佢哋會公佈戀情。今日下午2時許，霍建華喺佢嘅個人工作室微博「華杰工作室」發文寫道「華說：希望得到大家的祝福@林心如」，標籤住林心如，意指佢已經成功將林心如收歸國有。隨後林心如都係佢嘅個人工作室微博以愛心圖案作出回應，正式公佈戀情。之後，林心如工作室再貼上一張玫瑰花的相，並說：「希望&謝謝，大家的祝福…」大陸新浪娛樂報道，指霍建華經理人亦證實咗二人相戀：「他們在一起了，希望得到大家的祝福！」心如喺facebook貼出單人拎住支玫瑰花嘅相，留言：「原來幸福一直離我這麼近～謝謝你們的祝福。我很好!」個post出咗38分鐘，已有3萬7個likes!本報記者曾致電霍建華嘅經理人，問到二人忽然公佈戀情，係咪打算結婚？佢只答：「微博已寫咗，冇其他補充。」而林心如經理人譚君平回應台灣《蘋果》表示，兩人一直係朋友，今年生日後漸漸彼此了解，才發展更進一步嘅發展。林心如今年1月過40歲生日時，霍建華特地現身為佢慶祝生日，成為生日會上好友爭相合照嘅嘉賓，此外，林心如本人談到兩人關係表示：「認識10年了，一直是好朋友，但從今年生日後開始比較密集接觸」，據知今次忽然高調晒愛係男方想公開。
來源 source: http://hk.apple.nextmedia.com
|
鍾意就快D Share啦！
|
|
|