劉愷威同楊冪結婚兩年，但就經常傳出兩人嘅婚姻危乎乎，上月底佢哋就透過大陸嘅經理人公司，發出聲明，力斥造謠者及否認離婚。而佢哋就繼續努力工作，劉愷威就長駐北京拍劇，而楊冪之前就去咗韓國三個月，拍成龍嘅電影《致命倒數》，O依家又返番大陸拍緊一套古裝劇集。至於佢哋兩人嘅愛情結晶品小糯米呢？今日就有周刊報道，話就快兩歲嘅小糯米，一直長住香港，由爺爺劉丹同嫲嫲合力照顧，雖然劉愷威同楊冪唔係香港，但小糯米喺物質生活就好好，除咗跟爺爺嫲嫲住喺半山價值三千萬嘅豪宅外，出入都有工人照顧。報導仲話，雖然楊冪事業心好強，但就會遙控處理晒小糯米的生活所需，報道引述知情人士所講，小糯米今年6月就2歲喇，雖然仲未返學，但楊冪就吩咐老爺同奶奶讀唔同嘅學前班，一個禮拜都要返幾堂架！知情人士仲話，丹爺因為要照顧孫女，搞到連劇都唔敢接，無得過戲癮喎！而周刊日前就捕捉到小糯米返Playgroup嘅情況。當日由嫲嫲同工人姐姐送小糯米返學，兩歲嘅小糯米着住裙仔，拖住嫲嫲同工人姐姐，非常乖巧，但臉上就缺少咗啲笑容囉，唔知係咪掛住爸爸同媽媽呢！
| 劉愷威同楊冪各有各忙，除咗兩公婆少見而屢傳婚變外，連囡囡小糯米也要交由爺爺劉丹照顧。 |  劉愷威同楊冪已經很久冇喺微博上晒恩愛。 |  劉愷威喺大陸好紅，經常劇接劇。 |
 除咗拍劇，劉愷威仲會參與大陸嘅真人騷節目。 |  楊冪之前同李易峰傳緋聞，之前同霍建華喺韓國拍戲時，都不時上載親密照到微博，反而就無同老公有交流。 |  楊冪之前去咗韓國拍攝成龍電影《致命倒數》。 |
 楊冪除咗拍戲，仲要到海外出席時裝品牌活動。 |  兩年前，楊冪喺香港生咗小糯米。 |  劉愷威很久沒有在微博講到家庭，對上一次係去年情人節，講到有兩個情人陪佢。 |
 劉丹之前出席活動，講到劉愷威同新抱又傳婚變時，都好嬲，仲話想爆粗添！ |
來源 source: http://hk.apple.nextmedia.com
|
鍾意就快D Share啦！
|
|
|
