盧國沾話同黃偉文係朋友，歡迎佢寫詞呀！
「詞壇聖手」盧國沾（沾Sir）將於7月22日至23日假紅館舉行作品展《歌詞大師盧國沾作品演唱會》，並獲得一班重量級歌手助陣，沾Sir率領他們聚集錄音室，包括張德蘭、陳秀雯、柳影虹、麥潔文、區瑞強、葉振棠、李龍基、薰妮，但另外兩位演出嘉賓羅嘉良及曾路得就因有事在身未能出席。一班老友久未聚頭，碰面當然雞啄唔斷，眾人齊齊灌錄重新編曲的大會主題曲《前程錦繡》，期間沾Sir亦有在旁監督，邊聽邊流露滿意笑容，又表示很開心，畫面十分溫馨！
同羅嘉良相處愉快
沾Sir跟新娛國際綜藝製作公司負責人丘亞葵（Vigo）一同受訪，對於跟一班老友碰頭，沾Sir表示：「好開心，平時好少見佢哋，好欣賞佢哋支持。（佢哋話你對佢哋好重要？）唔好咁講，大家碰吓有啲運。」對於曾因經理人合約搞到對簿公堂的嘉良擔任嘉賓，沾Sir表示：「嘉良唔出現，邊個唱《秦始皇》？」他亦不擔心大家會把兩人恩怨成焦點：「有咩焦點都唔理得咁多，我哋相處愉快。」沾Sir亦表示今次揀《前程錦繡》作大會主題曲是其意思，Vigo解釋因此歌是勵志歌，很有意思，沾Sir又笑言屆時不會開金口唱埋一份：「我唔識唱，只識欣賞。」故到時只會跟家人在台下欣賞。
有神秘嘉賓
另外，對於後輩黃偉文（Wyman）曾提出自薦幫忙，沾Sir笑言：「佢想幫手？冇咩好幫手，現場大會有充足人手。（搵佢寫詞向你致敬？）呢個都可以，大家總算係朋友。」Vigo就表示已找同事跟Wyman聯絡，暫時未知可以叫他幫忙甚麼，但會邀請他、林夕及潘源良等人到場支持。Vigo亦透露暫時有十個表演嘉賓，屆時亦會有特別嘉賓，但現時未能透露，講到未能邀到關正傑復出做嘉賓，他表示到時會找其他歌手唱其金曲，如《大地恩情》，相信會有另一種演繹。
來源 source: http://hk.on.cc
|
鍾意就快D Share啦！
|
|
|
