掃呢頁CODE去手機

2016年5月6日 星期五

黎明復「騷」:【係得嘅】黎明直播片七個鐘破百萬瀏覽 __,黎明,

黎明好嘢!各位觀眾,尋晚十點喺FB直播演唱會Live嘅黎明,雖然個直播只有短短四分鐘,但係一啲都唔影響佢嘅受歡迎程度;喺短短七個鐘,黎明呢條直播片嘅Views,已經衝破咗一百萬呢個數!呢個數,真係勁到冇朋友,可以話勁到坐火箭咁呀!呢件事,對於1月先至開始玩fb嘅黎明嚟講,確係一件好鼓舞嘅事!唔知黎明知道自己條直播片咁受歡迎後,會唔會再諗吓啲咩新搞作,刺激吓自己同大家嘅思維呢?黎天王直播吸引咗來自世 ...


黎明好嘢!

各位觀眾,尋晚十點喺FB直播演唱會Live嘅黎明,雖然個直播只有短短四分鐘,但係一啲都唔影響佢嘅受歡迎程度;喺短短七個鐘,黎明呢條直播片嘅Views,已經衝破咗一百萬呢個數!呢個數,真係勁到冇朋友,可以話勁到坐火箭咁呀!

呢件事,對於1月先至開始玩fb嘅黎明嚟講,確係一件好鼓舞嘅事!唔知黎明知道自己條直播片咁受歡迎後,會唔會再諗吓啲咩新搞作,刺激吓自己同大家嘅思維呢?

黎天王直播吸引咗來自世界各地粉絲留言,部分粉絲更以金句回敬金句,令到Leon facebook wall頓時出現一片「金句海」!

FB粉絲留言精彩節錄:

「I saw it, I saw it!!! I feel like a teenage girl all over again!! Yet my second baby is ready to pop anytime now haha. What an amazing experience! Never thought I'd be on the stage with Leon in the palm of his hand!! Warm wishes from Toronto.(我真係睇咗,真係睇咗,我覺得自己好似變番細個嗰陣咁。我第二個BB都隨時Ready可以唱流行曲喇。呢個經驗真係好正,從來冇諗過可以透過黎明嘅掌心,好似企喺個台度咁。由多倫多來的最溫暖嘅祝福)」

「Hiiiii!!! 多謝你比(畀)係(喺)西雅圖嘅我live睇到你吖!! You're singing my favorite song!!!!!!!!」

「睇到這條片,我馬上感動到哭了!一萬句…多謝你!不枉我喜歡你這麼多年!!不枉我澳洲飛來看你!雖然我現在已經在外外外圍了,但依然好關心同懷念核心的内圍同核子(的)你!雖然可惜了我28號那場前排的坐(座)位,好彩我睇佐(咗)30號晚的,你依然靚仔,現場氣氛同音響,相當、十分、極之精彩!!Good show!快D開世界巡回演唱會吧!」

「I'm so impressed that u chose to hold the phone by urself instead of asking someone else to hold it for u!(你選擇用自己隻手hold住部電話,而唔係叫其他人幫你拎住,我真係好深刻)」

「我開始擔心自己日後做marketing同攪(搞)event的工作壓力會越(愈)來越(愈)大,因為其他人可能會用Leon今鋪演唱會的安排、social media promotion、危機處理及補鑊方法等做benchmark(指標)!」

「玩fb live玩到咁出神入化,你都算第一人。」

「Leon boosts HK's tourism BETTER than anyone else~~~(黎明比其他人更加懂得振興香港經濟)」

「我隻小狗都好like,同我一齊睇直播呀!!!」

「舉頭三尺有黎明」

「正到無倫!!我諗你係全世界第一個artist喺演唱會入面現全(場)放live上網俾(畀)全世界其他人一齊睇,又有創意有超正,我嘅超級偶像!!」

「FB如果搵代言人既(嘅)話,除左(咗)LEON,真係無(冇)其他人可以比LEON更吸引,咁識得善用FB,雖然感覺短左(咗)啲,但都好開心,多謝LEON,唔講加油,你繼續努力,我地(哋)會一直支持你」


來源 source: http://hk.on.cc
鍾意就快D Share啦!