後日就係母親節，唔少人會花啲心思送嘢o氹媽咪開心，王祖藍都唔例外，佢喺母親節送首歌《要我幸福》畀媽咪冼杏嫦，最特別之處，祖藍唔單止自己填詞同主唱，兼做導演，而且仲搵埋同佢一樣餅印嘅媽咪粉墨登場做埋女主角，夠晒特別呢個MV後日朝早母親節將喺大陸同香港同步推出，MV中祖藍嫌媽咪成日整麻婆豆腐呢味餸，而拍枱發脾氣起身，冬天又逼佢着住啲「現代」嘅「虧佬褲」，到生日時又要着住童裝melody tee恤唱日歌，又要同媽咪一齊化粧、搽唇膏同跳扇舞，歌詞中講到「跟你長得太像，一模一樣，基因在我身上太過強，每天為我煮飯，我嫌你太煩，這樣陪我成長……」到最後祖藍媽咪開腔唱咗句「這樣陪你成長」o添，歌喉真係唔錯㗎！呢首歌幾乎出動祖藍親戚朋友幫手，好似祖藍舅父冼偉智就係監製之一。講到拍呢個MV原因，原來係將近母親節，祖藍忽發其想，母愛呢樣嘢喺坊間大家成日話拍啲好正能量嘅片，何謂叫正能量呢？所謂正能量其實唔係一般拍出嚟嘅片咁，祖藍想輕鬆啲搞笑啲嘅形式，令到每個人睇完條片喺心裡面都會有一吓反思，原來由細到大嫌阿媽煩，嫌阿媽乜嫌阿媽物，個個媽咪原來好錫自己，一路當你永遠長大嘅孩子都好啦，母愛呢樣嘢永遠都係最長久，祖藍想大家睇完片之後好輕鬆去反思呢點，更加錫身邊人、錫爹哋媽咪。祖藍媽咪雖然係第一次拍MV，但就相當投入，好多shot都係一take過，連流嗰滴眼淚都係真情流露，冇用眼藥水，NG亦唔多。拍攝期間祖藍當然有教媽咪拍嘢，不過祖藍媽咪好醒，一點就明。
| 祖藍係圈中出晒名嘅孝順仔，最近同媽咪一齊拍MV! |  你睇佢哋幾似樣… |  MV中祖藍嫌媽咪成日整麻婆豆腐呢味餸 |
 拍枱發脾氣… |  媽咪仲好演技到流出真眼淚! |  |
 天下最偉大都係母愛… |  冬天又逼佢着住啲「現代」嘅「虧佬褲」 |  咁都係怕阿仔凍親! |
 生日又要着住童裝melody tee恤唱日歌 |  呢邊睇… |  嗰邊睇… |
 佢哋都咁似樣! |  而且媽咪演搞笑都幾得! |  一齊學化妝… |
 母子好似照鏡咁! |  二人仲大跳大媽扇舞。 |  呢個MV出動埋好多親戚朋友 |
 浮現出最真實嘅親情… |  |
|
鍾意就快D Share啦！
|
|
|
