掃呢頁CODE去手機

2016年5月6日 星期五

歐霸盃:歐霸盃 史獨搶鏡!紅軍決賽鬥西維爾 __,

(法新社圖片)歐霸盃4強次回合,兩場波均由主隊贏波入決賽!其中英超勁旅利物浦喺主場迎戰西甲維拉利爾,雖然首回合作客輸0比1,不過今場返到地頭晏菲路憑住難得擔正嘅史杜列治精彩演出,贏得清脆輕鬆晉級。開賽7分鐘,客隊守將般奴蘇利安奴喺史杜列治力壓下擺烏龍波,「紅軍」得以先開紀錄。63分鐘,主隊再憑「史獨」建功拉開到2比0。完場前9分鐘,「史獨」又發發助功予拉爾拉拿埋齋,贏夠3蛋,兩回合計「紅軍」最後以 ...


(法新社圖片)

歐霸盃4強次回合,兩場波均由主隊贏波入決賽!其中英超勁旅利物浦喺主場迎戰西甲維拉利爾,雖然首回合作客輸0比1,不過今場返到地頭晏菲路憑住難得擔正嘅史杜列治精彩演出,贏得清脆輕鬆晉級。

開賽7分鐘,客隊守將般奴蘇利安奴喺史杜列治力壓下擺烏龍波,「紅軍」得以先開紀錄。63分鐘,主隊再憑「史獨」建功拉開到2比0。完場前9分鐘,「史獨」又發發助功予拉爾拉拿埋齋,贏夠3蛋,兩回合計「紅軍」最後以3比1得勝晉級,自06/07球季以來,首次殺入歐洲賽決賽。「黃色潛水艇」喺72分鐘仲有域陀雷斯領紅被逐,真係輸波輸品!

至於另一場由西維爾主場迎戰薩克達,首回合雙方打和2比2,次回合西維爾開賽9分鐘由加美路先拔頭籌,完半場前薩克達憑老將伊度亞度達施華入波扳平。不過換邊後西維爾發力由加美路同馬里安奴費拉拿各省多粒,最後贏3比1,兩回合計贏5比3殺入5月18日決賽,喺瑞士巴素爾火併利物浦,力爭11年來第5個歐霸盃(連前身歐協盃)冠軍!


來源 source: http://hk.on.cc
鍾意就快D Share啦!