掃呢頁CODE去手機

2016年5月17日 星期二

【栢芝軍團反擊向太】契媽率先貼拉姑弄孫圖:忍無可忍! __,向太,狄波拉,拉姑,陳嵐,栢芝,張栢芝,

向太陳嵐一向同圈中人熟,為人敢怒敢言,真係天下都關向太事,事事關心,不過向太早前因為拍新片同昔日愛將張栢芝擘面,前日佢喺康城接受大陸傳媒騰訊訪問,講到栢芝禁止謝霆鋒雙親見Lucas同Quintus,向太引用霆鋒媽咪狄波拉所講,證明栢芝百般阻撓,令拉姑同四哥謝賢都見唔到兩個孫。嫲嫲拉姑接受電話訪問,就話謝家個個都好,前幾日自己先同孫仔過生日,又讚栢芝教得啲孫好,一對寶貝孫都好有禮貌、有家教。栢芝經理 ...


向太陳嵐一向同圈中人熟,為人敢怒敢言,真係天下都關向太事,事事關心,不過向太早前因為拍新片同昔日愛將張栢芝擘面,前日佢喺康城接受大陸傳媒騰訊訪問,講到栢芝禁止謝霆鋒雙親見Lucas同Quintus,向太引用霆鋒媽咪狄波拉所講,證明栢芝百般阻撓,令拉姑同四哥謝賢都見唔到兩個孫。嫲嫲拉姑接受電話訪問,就話謝家個個都好,前幾日自己先同孫仔過生日,又讚栢芝教得啲孫好,一對寶貝孫都好有禮貌、有家教。栢芝經理人Emily今午亦喺微博貼出兩張拉姑同兩粒孫嘅合照反擊向太,一張見Lucas拎住一包零食好開心、另一張係拉姑陪Quintus一齊畫畫嘅相,留言:「真的是忍無可忍,常常說柏芝阻撓霆鋒及拉姑見兩個孩子,之前已經發過聲明這並非事實,不信聽聞只信事實。」而栢芝內地經理人就喺微博寫道:「淩晨下飛機看到很多媒體給我微信留言,多謝各位關心柏芝!不用擔心柏芝啦,柏芝的強大,我身為男生都佩服,再說豈是幾句謠言就能顛倒黑白?我記得兩天前小朋友才剛看望完奶奶,怎麼柏芝的用心,反而是阻撓呢?」此外,栢芝fans開嘅微博「最愛LucasTse」則力撐栢芝,質問向太係唔係確定講嘅都係真:「不知道到底是向太在造謠,還是狄波拉在造謠。然而事實是,狄波拉這不是跟Lucas、Quintus玩的挺好的嗎!謝賢也單獨和孫子玩的很開心。為何要一再污蔑張柏芝?」

向太爆完料之後,栢芝經理人Emily即喺微博貼出拉姑同大孫Lucas嘅合照…(微博截圖) 拉姑呢位好嫲嫲,又陪細孫Quintus畫畫。(微博圖片) Lucas同Quintus一直跟住栢芝生活。資料圖片
栢芝經理人Emily(左一)資料圖片 fans開嘅微博「最愛LucasTse」則力撐栢芝。(微博截圖) 栢芝內地經理人回應。(微博截圖)

鍾意就快D Share啦!