掃呢頁CODE去手機

2016年5月17日 星期二

【演員的自我修養】拍《大隻佬》劉德華被吊起 栢芝講電話買LV __,栢芝,張栢芝,劉德華,

即使去到康城咁遠,向太仍然有關於栢芝嘅料爆,不得不令人歎一句:心繫栢芝。當然,令向太上心嘅人,仲包括周星馳。向太一直念念不忘,講完又講講完再講,係呢單——03年栢芝拍電影《大隻佬》嗰陣,佢仲激嬲埋出名好脾氣嘅劉華,因為拍戲嗰陣,撞啱栢芝第一次同霆鋒鬧情變,拍拍吓戲,就喺電話度一次過買咗5隻色嘅手袋,華仔事後對向太投訴話:「如果唔係畀面你,真係想當場發作。」呢單嘢,向太去年3月已經講過,今次又重提, ...




其他影片:>>






即使去到康城咁遠,向太仍然有關於栢芝嘅料爆,不得不令人歎一句:心繫栢芝。當然,令向太上心嘅人,仲包括周星馳。向太一直念念不忘,講完又講講完再講,係呢單——03年栢芝拍電影《大隻佬》嗰陣,佢仲激嬲埋出名好脾氣嘅劉華,因為拍戲嗰陣,撞啱栢芝第一次同霆鋒鬧情變,拍拍吓戲,就喺電話度一次過買咗5隻色嘅手袋,華仔事後對向太投訴話:「如果唔係畀面你,真係想當場發作。」呢單嘢,向太去年3月已經講過,今次又重提,證明向太真係好嬲。咁查實當日發生咩事呢?還原事件。當日身穿厚重肌肉衫嘅劉德華,同栢芝拍一場對手戲,華仔仲要吊威吔。一聲'Action!'被吊起嘅華仔已經入晒戲,點知突然…電話鈴聲畫破寂靜…工作人員心諗:「呢場戲明明冇講電話0架喎……」電話鈴聲,來自栢芝褲袋。打俾佢嘅,係LV。對話內容大致係:張小姐,你要嘅包包有貨喇!嘩!埋咗位栢芝唔mute咗部手機、或者交俾助手袋住都算喇,竟然仲拎嚟聽?最估唔到仲係,栢芝膽敢嗌導演停機,俾佢講埋個電話落order——一次過買五隻色!被吊嘅劉華,本於教養及禮貌,無啦啦食NG,都冇鬧人,只係黑面。正如向太所講,事後劉華有向佢投訴,導演杜琪峯亦見過鬼怕黑,唔敢再起用栢芝。值得一提嘅係,2010年,劉華現身《康熙來了》,不開名重提此事。話題由康熙帶出,話劉華即使咁忙,但從未見過佢開工時拎住電話傾,劉華就「順便」同大家分享呢個關於Roll機講電話落order買LV袋嘅笑話。重申,係冇開名。劉華話:「我試過一次,我試過一次是吊鋼絲,吊大概六樓,六樓,然後反過來,是往下衝的一個鏡頭。然後一下到,差不多到地上,就把那個女的抓回來這樣。我是一路拉,一路看到下面那個還在講(電話),還在講。」說時做埋動作,邊講邊大笑。小S亦感難以置信,問:「你說下面那個女生還在講電話?」劉華托腮淡然地謂:「對呀。」「怎麼會這樣子?這件事應該也惹到你了吧?」劉華依舊托腮:「我那個時候有跟她說,有跟她說。我下來之後,因為我本來是一路下來…然後到那快停,鏡頭是拍不到她的!」劉華個版本,同傳聞嘅有啲出入。坊間傳聞係栢芝喺Roll機之後聽電話仲嗌cut;劉華就話係Roll機前倒數三秒,「她」先至肯放低手機。最後小S問劉華:「她」還在這行嗎?

劉華答:「還在。她們已經習慣了,她們不是有惡意,她不是故意。或者說,她已經習慣了,而且她是一個……我認為她是一個非常好的演員,但是她還是這樣。」厚道。

我試過一次是吊鋼絲
吊大概六樓,六樓 然後反過來,是往下衝的一個鏡頭 差不多到地上,就把那個女的抓回來這樣
我是一路拉,一路看到下面那個還在講(電話) 還在講 小S問劉華:「她」還在這行嗎?劉華答:「還在。她們已經習慣了,她們不是有惡意,她不是故意。或者說,她已經習慣了。」

鍾意就快D Share啦!