向太又發玏，不過今次戰場係由微博移師到康城。日前向太喺康城接受內地傳媒訪問嗰陣，內容再一次提到張栢芝。適逢上個禮拜(12日)，栢芝細仔謝振南(Quintus)6歲生日，栢芝幫壽星仔大搞生日P，不過老竇謝霆鋒、爺爺謝賢同嫲嫲狄波拉全部冇影。對於有指霆鋒掛住拍拖，少理兩個仔，搞到Quintus唔肯見佢。當時霆鋒同栢芝發表聯署聲明否認，又澄清謂兩人一直保持良好關係及緊密溝通，又稱:「我們及兩位兒子的相處方式也只有我們二人最清楚，懇請這些『身邊人』和『知情人士』不要再捏造故事來傷害小朋友。」(新聞連結: http://bit.ly/1Ou9ujj )但今次呢位「知情人士」，竟然係已經反咗面嘅Tiffany陳嵐——即係向太。向太前日於康城影展接受大陸傳媒訪問時，又大爆栢芝唔俾謝家見兩粒孫。而向太聲稱消息來源，是狄波拉。向太話，佢之前都聽過話霆鋒冇得見兩個仔，一次街上撞來碰見狄波拉，問佢發生咩事。向太稱:「後來我碰到狄波拉，她說不是我們不看(孫兒)，百般阻撓，我們看不到。」講到呢度，向太就話：「希望她真的變好。我真的希望張栢芝改掉不好的毛病。我真的苦口婆心，我不是第一次救她。我總是選擇相信人好過不相信人，這樣比較快樂。」《蘋果》致電拉姑，暫未回覆；四哥就話:「多餘嘅！唔答呢啲問題！」至於霆鋒就透過經理人霍汶希表示不回應。向太訪問一出，喺微博例牌畀栢芝啲fans圍攻，不過同網民多次駁火嘅向太，就話係人哋訪問佢，佢先答，而且所講嘅嘢，全部都係事實。
|
鍾意就快D Share啦！
|
|
|
