掃呢頁CODE去手機

2016年5月16日 星期一

【咪認親認戚】栢芝嗌「阿媽」 向太閘住:李連杰個女先係我契女 __,李連杰,向太,陳嵐,栢芝,張栢芝,

現年34歲張栢芝同霆鋒離婚後,電影六連仆慘變票房毒藥,舊年向太冒險搵佢孭飛拍攝《3D封神榜》做哪吒一角,點知開工兩個月,栢芝因為頻頻失場同冇心機拍攝,搞到向氏夫婦最終死心對外宣布「永不錄用」栢芝。雖然事後栢芝補鑊話叫向生向太唔好嬲,不過多年恩情從此了斷。向太今次喺康城接受內地媒體訪問,講到栢芝自認係佢哋個契女,向太就好決絕咁否認:「李連杰和利智的女兒才是我的乾女兒。張栢芝在公司的時候,覺得我們這麼 ...


現年34歲張栢芝同霆鋒離婚後,電影六連仆慘變票房毒藥,舊年向太冒險搵佢孭飛拍攝《3D封神榜》做哪吒一角,點知開工兩個月,栢芝因為頻頻失場同冇心機拍攝,搞到向氏夫婦最終死心對外宣布「永不錄用」栢芝。雖然事後栢芝補鑊話叫向生向太唔好嬲,不過多年恩情從此了斷。向太今次喺康城接受內地媒體訪問,講到栢芝自認係佢哋個契女,向太就好決絕咁否認:「李連杰和利智的女兒才是我的乾女兒。張栢芝在公司的時候,覺得我們這麼幫她,關心她捧她比她父母還好……或許是那個moment,她真的覺得我們比她爸爸媽媽還好,或者只是哄我們。」向太喺訪問中,仲話自己觀察咗栢芝一年,希望對方可以改掉壞習慣。向太仲提到,03年栢芝拍電影《大隻佬》嗰陣,佢仲激嬲埋出名好脾氣嘅劉華,因為拍戲嗰陣,撞啱栢芝第一次同霆鋒鬧情變,拍拍吓戲,就喺電話度一次過買咗5隻色嘅手袋,華仔事後對向太投訴話:「如果唔係畀面你,真係想當場發作。」其實呢番話,向太於去年3月已經講過0架喇,除咗對栢芝發炮,向太仲有提到多年冤家周星馳,舊事重提當年對方不問自取喺佢屋企拎咗佢8枝紅酒。睇嚟向太對栢芝、星爺嘅心結,今時今日都仲未解得開。


鍾意就快D Share啦!