2013年退選港姐劉燕妮（Rika）早前參與ViuTV節目《G-1格鬥會》，對決黎美言（Winkie）時慘被打至滿面瘀傷，更有人質疑曾哭訴受傷的Rika炒作新聞，令她身心受創！雖獲好友唐紫睿（Hazel）、鄧穎芝（Van仔）等挺身力撐，但正在美國散心的Rika幾經思量後，終寫下千字文宣布退出娛樂圈！
Winkie在鏡頭後語氣挑釁
對決Winkie一戰，Rika以一分之差不敵體重相距12磅的對手敗陣，比賽尾聲時，Rika曾有機會制服對手，但拳證疑因判斷問題將兩人分開，未能作出致勝一擊。對於賽後掀起重重風波，Rika坦言受傷並非主因，而是遭Winkie如唐三藏般以「音」波功挑釁：「從節目見到，受傷後我真心沒有怪責對方，當時有稱讚對方打得好，力氣大亦係訓練成果之一，我有主動擁抱，係基於尊重和體育精神，但爆發點係賽後在化妝間休息，我和幾位朋友聊天，講笑自己變了花面貓，Winkie 走過來表情和語氣帶有挑釁性：『Rika, 對唔住啊，其實我唔想打你架，我已經留左手架啦』x 3 次。這轍（徹）底觸及我個人底線，我覺得好不受尊重和憤怒，一係態度語氣問題、二係你短短幾秒幾拳打到咁傷絕對無留手，我亦唔需要你留手，重我 12 磅又不停地話只重我幾磅，我當時已經不想回應。」
而Rika因一句「唔可以打面」遭有心人批評，她說：「我知自己冇做好保護，但五個月到依家仍有飛蚊症、左手中指彎曲、條腰經常痛。我記得在《G1》記招訪問當天，一句說話表達不清，只係陳述自己被壓在擂台上眼鼻中了幾拳受重傷之後留有陰影，並不是在責怪對手，可能自己表達方面令人誤會，繼而不停地成為攻擊對象，我會好好地檢討自己。如有人說我放大傷勢來博同情，我想說憐憫之心，人皆有之，唔係博就會有，如果有人因拍攝節目而傷到咁，我都會好心痛，正常人都會吧？」
磨擦多到數唔到
她又數出Winkie在練習時的惡行：「盡管之前有許多磨擦發生，例如訓練時所有人都係遵從教練指示用 5 成力對打，講明點到即止，卻只有她一人用盡全力，甚至打傷阿旦個嘴流血發紫，練習打傷人係好過份既（嘅）行為！」之後Rika亦暗寸犯眾憎Winkie依然覺得自己冇問題：「其他的磨擦也沒有必要細數，好多事情局外人難分對錯，只有立場。我亦明白對方承受了許多輿論壓力，我只能總結一句：好多人的最大問題就係覺得自己無問題，『我係咁架啦』去面對一切事情。希望她日後待人處事會更好，祝福她。我亦都會檢討自己有哪些不足地方。」
好友戥唔抵
Rika透露節目播出後，曾獲圈中前輩邀請合作，更特別感謝鄭丹瑞邀請她合作拍戲，但近月的經歷已令她萌生退意。就讀法律系的Rika有意繼續進修專業，亦計劃與朋友搞生意。好友Hazel與Van仔得悉Rika決心退出娛樂圈後大感可惜。對於Rika遭Winkie挑釁，目擊經過的Hazel大感不值，Van仔則說：「網友一直以為我哋因為傷人而杯葛佢（Winkie），事實係佢唔識尊重對手！每個選手都盡力去打，明白會有損傷，但點解要咁對人？」而Winkie至截稿前未有回應。
|
鍾意就快D Share啦！
|
|
|
