當記者問到有關練海棠嘅問題，伍姑娘都雙手合十，淨係回應：「多謝你！」迴避所有問題。
娛樂偵訊
練海棠安排補鑊之旅 未下氣伍詠薇拒同老公單獨去
伍詠薇老公練海棠曳曳！於南灣摸黑車廂偷食 34D大胸女斷正，事後伍姑娘公開怪責老公：「玩完要老婆執手尾！」
不過，好快就雨過天晴，史上最忍得老婆伍姑娘，在事件曝光後第二日，已表示原諒老公，而練海棠亦好識做，立刻安排了一個補鑊之旅。上星期四（ 23/6），陪老婆去海南島三亞，玩五日四夜，但最離奇在伍姑娘竟然帶埋女助手兩母女一齊去，二人世界變四人行。
俾錢請電燈膽
偷食事件斷正後，練海棠要向伍詠薇解畫，更承諾與大胸女斷絕來往，同一時間， 34D大胸女被發現離開香港，暫避風頭。一場偷食風波，在伍詠薇選擇原諒老公而暫時平息。
口頭道歉外，練海棠特別安排一個浪漫之旅，用行動氹老婆；原計劃飛去海南島三亞五日四夜，過二人世界，伍姑娘雖然答應去，但卻專登俾多一筆錢，請埋女助手兩母女去做電燈膽。
旅程絕大部分時間，都是四人同行，伍姑娘更不時玩直播，但以往經常晒恩愛的她，今次卻一反常態，僅得一晚出外食飯，讓練海棠過鏡出現，當中更試過有一段呼喝老公片段：「老練，做嘢呀！」直播埋出街。
好明顯，伍姑娘啖氣根本未消。
分頭走避合照
星期一（二十七日）下午，補鑊遊結束伍姑娘返到香港，但只有她和助手兩母女出閘，未有見練海棠同行。
問伍姑娘今次同老公去旅行，她只點點頭，至於點解唔見練海棠一齊？她機靈地說：「又俾你撞到咩，哈哈哈……（原諒咗老公未？）唔答啦，多謝你多謝你……（佢有氹番你？）哈哈，多謝你。（個小三離開咗香港，你知唔知？）騎騎騎……唔講啦呢啲，多謝你。（佢究竟用咗乜嘢方法氹你？）唔教你， Thank you多謝。（知唔知佢同個女仔仲有冇聯絡？） hehe……」
攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|