香港業主會Facebook近日張貼一個業主將單位放租後，最後收樓時全屋堆滿垃圾的慘況。由相片中可見大廳堆滿舊廢紙垃圾、廁所門被水浸過兼損毀，業主指梳化更由橙色發霉變成漆黑一片、床單枕頭佈滿跳蚤。代業主收樓的香港業主會會長佘慶雲表示，住戶為一名年約50歲的女士、外貌似後生版邵音音，入住單位約4年，租金一直由家人代繳。今年年初家人停繳租金，業主要求收樓不果，最終要告上法庭，由執達吏協助下方成功收樓。佘慶雲稱，今年五月底由開鎖師傅開門後，眼見雜物堆至半道門高，會方無法進入單位。眼見一層蓋一層的雜物，主要是舊報章雜誌、衣物。至本月初，該名女士聘請搬運公司清走部份雜物後，會方終於進入單位，「我一路影相、一路打冷震。間屋好大陣味、似屍臭，毛管都戙晒」。「佢唔響單位度煮食，應該響出面大小二便，淨喺響單位沖涼，不過佢無關廁所門，所以每一次沖涼D水都滲晒出去，所以連廳同房啲野都好似燒燶晒、好殘咁，係因為畀水醃咗成2年。」「我地評估超過一千隻曱甴，仲有啲蚤呀，周圍走嫁嘛。淨係搬運工人都用咗3支殺蟲水。」業主要先花費數千元聘請清潔公司清理單位，由於所以木製傢俱均已浸壞，牆身磁磚亦需剷起重造，所有要再花十數萬元全屋大翻新，部份開支由住客親人賠償，惟相信單位不涉及刑事毀壞。佘慶雲解釋，住客能夠正常溝通，「有啲人性格係咁，層樓唔係佢、唔洗佢交租，人地層樓咪唔錫住用。」掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|