倫敦裸體餐廳開張實況 政治時事,

仲記唔記得之前Mean娜同大家介紹過，英國倫敦喺6月會開間裸體餐廳「TheBunyadi」呢？當時未開幕，都已經有超過成萬名顧客網上訂位，唔知佢而家正式開張情況又如何呢？先由環境方面同大家介紹一下，「TheBunyadi」有分全裸區同埋非全裸區，由於餐廳特點係「健康、潔淨、天然」，所以設計上都唔多裝飾，走大自然路線，主要用竹簾、柳條等材料作區域分野。餐枱同凳都以木質為主，塑造原始感覺。食物方面，都 ...

仲記唔記得之前Mean娜同大家介紹過，英國倫敦喺6月會開間裸體餐廳「The Bunyadi」呢？當時未開幕，都已經有超過成萬名顧客網上訂位，唔知佢而家正式開張情況又如何呢？ 先由環境方面同大家介紹一下，「The Bunyadi」有分全裸區同埋非全裸區，由於餐廳特點係「健康、潔淨、天然」，所以設計上都唔多裝飾，走大自然路線，主要用竹簾、柳條等材料作區域分野。餐枱同凳都以木質為主，塑造原始感覺。
食物方面，都係行健康有機路線，冇大魚大肉漢堡包等等太heavy嘅食物。男士去到可能會食唔飽肚，不過who cares?去得「The Bunyadi」嘅男士們，多數都係「醉翁之意不在酒」啦～
重點嚟喇！就係餐廳客人係咪真係全裸先？再重申一次，「The Bunyadi」分全裸區同非全裸區，最後要唔要全裸，都取決於客人意願，所以一入到去餐廳會派發一件袍同拖鞋畀每位客人，想裸體嘅話，可以用餐時將件袍當坐墊咁墊住坐，走嘅時候再帶走。而為咗令客人覺得更自在，呢度嘅員工上菜時，都唔會真係全裸，男女都只會裸上半身，下半身都會有所遮掩。
由於餐廳設定唔係想提倡色情行業，所以用餐規則都有清楚管制，每個客人入到去都會收到一張注意事項，話你知有咩係絕對唔可以做，例如係任何同性有關嘅行為，影相等等。
雖然大家一齊剝光豬好似好害羞，但唔少體驗過裸體用餐嘅客人都話，除咗一開頭有啲緊張之外，慢慢都會放鬆自在，而且成個氣氛都意外地好。不過在場好似都比較多上咗年紀嘅老夫老妻，打算獵豔嘅男士，就唔好抱太大希望喇。
Source︰http://edition.cnn.com/2016/06/15/foodanddrink/what-its-like-in-naked-restaurant-bunyadi-london-food/index.html?sr=fbcnni061916what-its-like-in-naked-restaurant-bunyadi-london-food0607PMStoryLink&linkId=25670617

來源 source: http://menclub.hk

鍾意就快D Share啦！

下一篇 》